Shqetësimi deri ditën e zgjedhjeve, Basha: Më 25 prill, zgjedhin shqiptarët!

Kryetari i Partisë Demokratike, Lulzim Basha, është shprehur qartë nga Fushë-Kruja se shqetësimi për ekonominë dhe biznesin është se çfarë do të bëhet deri ditën e zgjedhjeve sepse në 25 prill shqiptarët do të zgjedhin.

“Shqetësimi është këto 6 muaj. Çfarë do të bëhet deri në 25 prill, sepse në 25 prill shqiptarët do të zgjedhin. Disa të dhëna që janë publikuar para dy javësh tregojnë që ndërmarrjet dalin me humbje.

Ne kemi propozuar taksën 9% për sipërmarrjen e madhe dhe me këto masa sipërmarrja do të fillojë të marrë frymë lirisht. Qeveria t’ju krijojë kushte miqësore. Qeverinë do ta keni në krah,” tha Lulzim Basha i bindur se masat që do të merren do tua lehtësojnë aktivitetin.

Gjatë vizitës në një mobilerie në Fushë Krujë, lideir i Opozitës së Bashkuar tha se duhet të rishikohet garancia sovrane në mënyrë që të përfitojnë ata që kanë nevojë.

“Kemi kërkuar që të rishihet skema e garancisë sovrane. Oligarkët shkatërrojnë ekonominë dhe vendet e punës. Qëllimi ynë është punësimi. Prandaj nga garancia sovrane duhet të përfitojnë ata që kanë nevojë. Të rishikohet garancia sovrane,” tha Kryetari i PD, Lulzim Basha, duke u zotuar se me ardhjen në pushtet do të nihmojë prodhimet shqiptare:

“Pas 25 prillit do të ndihmojë prodhimet shqiptare. Sipërmarrjen prodhuese e kemi prioritet të prioriteteve. Po diskutojmë mekanizmat më të mirë për të siguruar këtë mbështetje. Shumë shpejt do të kesh një qeveri që do ta kesh në krah.”