Shqipëri-BE/ “Shkoni te prokurori”, tha Fleckenstein por jo edhe ku ta marrim prokurorin…

Pas akuzave të opozitës për Taulant Ballën në Komisionin e Përbashkët Ndërparlamentar Shqipëri-BE, raportuesi për Shqipërinë Knut Fleckenstein sugjeroi palët që të bëjnë detyrat e shtëpise ndërsa opozitën të shkoj në prokurori ndonëse mungoi edhe këshilla se ku ta marrin atë prokurori.

“Unë nuk jam prokuror nuk jam gjyqtar. Mund të besoj nëse Balla është një djalë i keq apo jo por ne duam prova të gjithë kërkojnë prova dhe më pas mund të vendosim se si të komunikojmë. Kërkesa ime është bëni detyrat e shtëpise shkoni tek prokurori,” tha Knut Fleckenstein edhe pse e ka të qartë se si funksionon drejtësia në Shqipëri.

Ndërkohë, drejtuesja e komisionit të PE, Macovei kritikoi veprimin e opozitës, për të lënë sallën duke theksuar se është kundër vlerave evropiane ndërsa problem i madh sipas saj në këtë rast është shpenzimi i kot i parave të shqiptarëve.

“Kur bëjnë gabime, kur bojkotojnë parlamentin, këto janë kundër vlerave europiane. Nëse kërkojmë dialog konstruktiv, ku është ai?! Ata erdhën në këtë takim me paratë e shqiptarëve për të ngrenë një drekë
dhe më pas ikën dhe ne këtu flasim për të ardhmen e shqiptarëve. Shqipëria duhet të plotësojë 5 kushtet për të hapur negociatat me Shqipërinë. E kam thënë disa herë në Shqipëri është koha që të gjitha
partitë të jenë bashkë, për të mirën e qytetarëve shqiptarëve. Ju të gjithë bashkë duhet të jeni bashkë në Parlament, nëse nuk e bëni këtë nuk i shërbeni shqiptarëve”, tha Macovei duke i lënë shqiptarët pa përgjigje nëse një njëri i lidhur me krimin ka diçka të përbashkët me vlerat evropiane.