Shqipëri-BE/ Taulant Balla jep deklaratë të papërgjegjshme, ngatërron PE me atë të Ruçit: Unë jam gati të…
Pas largimit të opozitës nga mbledhja e Komisionit të Përbashkët Ndërparlamentar ShqipëriBE, në Bruksel, ku u kërkua largimi i Taulant Ballës nga drejtimi i këtij Komisioni, pasi është i akuzuar për lidhje me krimin, ky i fundit gjatë fjalës së tij duke ngatërruar Parlamentin e Evropës me atë të Gramoz Ruçit bëri një nga ato deklaratat e papërgjeshme sikur ai bashkëjeton me drejtësinë.
Edhe këtu Taulan Balla gjeti vend për të akuzuar opozitën ndërkohë duke ju shprehur konsiderata ndërkombtarëve se e duan atëdheun e Taulantit më shumë se sa opozita, ai nxorri nga goja një broçkullë që vetëm një deputeti nuk i lejohet:
“Unë deklaroj se nëse qoftë dhe një nga ato akuza që Pollo hodhi kundër meje, është e vërtete, atëherë jam gati të procedohem para Parlamentit Europian, në sheshin e Luksemburgut.,” tha Taulant Balla pa sqaruar se si mund të përballet një njeri me gjykim të huaj për krimin e kryer në Shqipëri, por këtë vetëm kryetari i grupit parlamentar të partis së Edi Ramës e din. Dhe, qershia mbi tortë:
“Unë kam informacionet e mia që përfaqësuesit e opozitës sot këtu, ishin të urdhëruar nga Lulzim Basha për të gjithë këtë debat, dhe për këtë më vjen keq,” tha Taulant Balla duke harruar për një çast se anëtarët opozitar të këtij Komisioni i kishin kërkuar edhe kryetarit të Parlamentit të Shqipërisë që ai të mos e kryesoj delegacionin shqiptar, por Gramoz Ruçi nuk e kishte përfillur këtë kërkesë. Kërkesë, për të cilën është infmoruar edhe Zyra e BE në Tiranë, me të cilën deri dje Taulan Balla kishte marëdhënie të jashtëzakonshme.
