Shqipëria 2030

nga Lutfi Dervishi

Shqipëria është anëtare e BE. Në Tiranë zhvillohet samiti i ministrave të Bujqësisë. Një festë evropiane me fjalime për subvencione, standarde dhe “ AI dhe politikat e gjelbra”.

Ndërkohë, nga Greqia, Italia, Franca, Gjermania, Sllovenia, Kroacia, Bullgaria dhe Hungaria nisen traktorë, zetorë dhe autokolona bujqish të zemëruar. Hynë lirisht në kufi, sepse jemi në Shengen. Askush nuk u kërkon vizë. Europa është shtëpia jonë e përbashkët, me parkim falas.

Një grup bllokon rrugën e aeroportit. Një tjetër autostradën Tiranë Durrës. Të tjerë zënë Tiranë Elbasanin, rrugën e Ndroqit, unazën e vogël, unazën e madhe. Pjesa që mbetet marshon drejt vendit ku po zhvillohet samiti, sheshi Skënderbej me pankarta dhe bori që dëgjohen deri në Vorë.

Pyetje: Çfarë bën policia jonë?