“Shqipëria Bëhet” betejë me familjarët në KAS, mandati nuk i takon motrës së Adriatik Lapajt por mamasë së Vasil Dajkos

Ata që dje premtuan se do t’a bëjnë Shqipërinë dhe akuzuan kastën e vjetër politike si fajtore për situatën në të cilën ndodhi vendi, sot i dhuruan një dramë targjikomike shqiptarëve në Komisionin e Ankesave dhe Sanksioneve, KAS, me luftën e familajrëve për mandatin e vetëm të deputetit që fituan në 11 Maj, që nuk ka parti që e realizon këtë pamje të shëmtuar!

Por, KAS, jo vetëm nuk miratoi kërkesën e Adriatik Lapajt që të njoh djegiet e kandidatëve të listës së mbyllur dhe t’i jep mandatin Lapajt, si më i votuari i listës së hapur, por ai i hoqi mandatin edhe motrës së tij, Kleana Xhuveli, që ia kishte dhuruar kreu i KQZ, Ilirian Celibashi.

Sipas, KAS, mandati i takon të parës në listën e mbyllur të Tiranës, Ana Dajko, që është mamaja e kandidatit të “Shqipëria Bëhet” në Vlorë, Vasil Dajko.

Tashmë kur gjithçka është e qartë, kur çështja pritet të shkojë në Kolegjin Zgjedhor për një vendim përfundimtar dhe Adriatik Lapaj vazhdon e akuzon, epilogu i kësaj loje të pistë me familjarët, do të jetë familjari, por jo ai i atij që e projektoi këtë lojë.

Në fund, tashmë është e qartë edhe pse heshti Endrit Shabani kur Adriatik Lapaj vendosi t’jap motrës mandatin, sepse ai nuk ishte i kujdesshëm dhe nuk “thuri” vendin e parë në listën e mbyllur për nismën e tij!