Shqipëria dhe Kosova në Lojërat Olimpike “Tokyo 2020”

Ekipi Olimpik i Shqipërisë ka parakaluar në pistën e Lojërave Olimpike “Tokyo 2020” me në krye Luiza Gegën dhe Briken Caljan të cilët po mbanin flamurin dykrenarë ndërsa Kosova kryesohej nga dy xhudistët më të njohur botëror Majlinda Kelmendi dhe Akil Gjakova.

Shqipëria që në vitin 1988 e deri më tani është pjesëmarrëse e rregullt e Lojërave Olimpike do të marrë pjesë me 9 sportistë në 6 sporte.

Ndërsa Kosova për herë të dytë në histori parakaloi në Lojërat Olimpike Evropiane me flamur e simbole shtetërore, me 8 sportistë dhe 6 trajnerë e zyrtarë. .

Në këtë ceremoni nuk mori pjesë xhudistja, Distria Krasniqi, për shkak të garës që e pret nesër ndërsa munguan dhe mundësi Egzon Shala e atleti Musa Hajdari, që arrijnë vonë në Tokyo.

Olimpiada që ngriti siparin sot dhe do të përfundojë në datën 8 gusht, do të presë 339 evente me 204 shtete pjesëmarrëse në 33 sporte dhe 50 disiplina të ndryshme.