Shqipëria digjet Edi Rama krihet!

nga Agim Popoci

Skandalet e një qeverie normale numërohen për një mandat por qeveria me kryeministër Edi Ramën statistikën e ka ditore duke pasur parasysh numrin e skandaleve që i ndodhin. Dhe, vërtetë, fal protestave të studentëve që shpërthyen në gjithë vendin, përmasat e këtyre skandaleve sfumohen nën vellon e revoltës studentore, por skandalet mbijnë nga të gjitha anët. Ndërkohë kryeministri bënë të paditurin, madje edhe për gjithë këto shifra tronditëse që i dalin në vetëm 2.2 kilometra rrugë që Edi Rama mendon ti ndërtoj për këto pesë vjet, ndërsa i ka vënë syrin projektit Unaza e Madhe me asfalt, devijim të lumit Lana dhe kompleksit të pallateve në bregun e tij.

Sidoqoftë, protestat i ka aty, para Zyrës së tij, jo për ta bërë të ditur se sa keq jetojnë studentët por për të treguar se sa keq i ka katandisur studentët me Reformën e tij në Arsim, me  të cilën mburrej. Kur këta protestues që rijnë në shi dhe borë duke kërkuar të drejtat elementare, nuk i përfill, ndërsa krenohet me protestën e tyre model, pak më tutje ka tjerë hanxhi që hesapin i bëjnë edhe me faturë fiskale.

Studentët e Vlorës, për dallim nga ata të Tiranës dhe oligarkët që ka përreth, i treguan Edi Ramës një realitet që ai nuk e njehë; Një realitet të cilin ai nuk e sheh në Kullën e tij të Fluturave edhe pse vetë e krijoi me Reformën në Arsim.

Kur shpërthyen protestat në Tiranë ai u informua se sistemi kaotik i arsimit që kishte krijuar, ishte buzë greminës dhe e domosdoshme ishte ndërhyrja urgjente. Nuk e përfilli këtë thirrje! Kur radhët u shtuan ktheu kokën, por kur kjo protestë numëronte dhjetëra mijëra studentë, dhe mendoi se me marksistët dhe fresshistët e tij gjithçka ishte nën kontroll ,u zhgënjye.

U zhgënjye aq shumë sa hakërrimën ma të madhe e lëshoi mbi rektorët, mbi ata që ai i menaxhon dhe bashkëjetojnë me frikën e shefit. Nuk e hapi njeri gojën, dhe ai që denoncon e nuk flet në gjykatë, u dëgjua pas 24 orëve. U nxehë i Madhi dhe e kërcënoi ashtu siç bëri sejmeni i tij Shullazi, por askush nuk e kuptoi pse foli Koni me vonesë, dhe pse u irritua kaq shumë Edi Rama kur respekti për Rektorin e UT është po aq mizeralbël sa për vetë kryeministrin!

Por Edi Rama vazhdoi të krihet, duke menduar se do të kap ca pleshta që nuk i lënë terren morrave të tij që kanë mbushur universitetet po aq sa administratën dhe tashmë edhe gjyqësorin. Por krehri i tij ngeci, jo në një, po në shumë pleshta që nuk i nënshtrohen bandës së tij kriminale. I thanë në sy se duan plotësimin e kërkesave, i kërkuan llogari për mënyrën se si e krijoi pronën e tij, i argumentuan që është mashtrues dhe hajdut, dhe ikën.

Ajo që ngeli mbrapa ishte shumë më e frikshme se sa ajo që u tha jashtë dhe brenda Universitetit “Ismail Qemali”. Një kryeministër që nuk çanë kokën, nuk skuqet, nuk shqetësohet dhe e merr me të lehtë këtë realitet që e pa me sy, duke e bindë veten dhe Fugën se nuk është kështu, por “ata janë të Saliut”!   

Dhe, ende pa i dalë dehja nga ajo që përjetoi në Vlorë me studentët, Partia Demokratike publikon dokumente që dëshmojnë se shembja e 200 shtëpive tek Unaza e Re nuk është çështje Unaze, as lehtësimi të lëvizjes së qytetarëve në kryeqytet por një projekt korruptiv që nuk mbaron me një kompani që me dokumente të falsifikuar fiton tender.

Shikon veten në sy, merr për tu krehur, kujtohet që është pa qime në kokë ama i bie ndërmend se i ka studentët me protestat e tyre. Kur askush nuk u shqetësua që lumi Lana u devijua, që Skënderbeu u bë shkrumb e hi nga kompania fantazmë e Bashkim Ulajt, se ka njerëz si Uka që i dhurojnë shtëpinë për ta shembur për hir të atdheut, se Shkoza po shuhet edhe pa dëmshpërblim, a ka vend për tu shqetësuar për ndërtimin e pallateve nga trafikanti drogës, Edmond Bego mbi djersën e 200 kryefamiljarëve që i mbijetuan shumë zgjerimeve të Unazës së Re.       

Eureka, gërthet e zeza e këtij vendi, e enjtja e protestave i shuan këto dhimbje dhe  u kujtua që para vetes ka dhe një kërkesë për dëbimin e ca diplomatëve  iranianë që po kërcënojnë refugjatët antiregjim që jetojnë në Shqipëri!  

Pse duhet të merret vetëm me twittet e rrjeteve sociale kur edhe ky lloj twitti do ti cicëroj në mes të zjarrit që i ka futur Shqipërisë.

Dhe, normalisht përshëndetja vjen pa mbyllur mirë sytë! Miqtë amerikan mirënjohjen e kanë për zët dhe jo për makijazh, falënderojnë kryeministrin Edi Rama për dëbimin e diplomatëve iranianë që rrezikuan sigurinë evropiane, dhe e zeza e këtij vendi shikon në Kullën e tij se ca flutura edhe kanë nisur ti fluturojnë.

Niset drejtë parlamentit, krenar dhe i lehtësuar se tashmë është bërë edhe magjistar sepse Donal Trump për të cilin tha se “është fatkeqësi për amerikanët nëse zgjidhet president i SHBA” i kishte shkruar letër falënderimi. Kazanët e tij u futën në lojë, lëshuan në qarkullim haberin e falënderimit të Presidentit Trump, por populli shqiptar proamerikanë nuk ra në kurthin e zjarrvënësit.

Për dallim nga Edi Rama, që çdo veprim e shet, shqiptarët e vlerësuan detyrën që kishte kryer si kryeministër dhe aleat i SHBA, por e pritën me protesta. Protesta brenda dhe jashtë Parlamentit, duke krijuar një realitet të ri për qeverisjen e një shteti që tashmë i ka vënë zjarrin Shqipërisë.

Sot, ai nuk është mashtrues vetëm për studentët, ai mashtroi edhe banorët te Unaza e Re, të njejtën gjë bëri me minatorët dhe naftëtarët, shoferët dhe fermerët si dhe mantelbardhët, dhe në momentin kur konstatoi se Shqipëria po digjet, u kujtua për thënien e vjetër shqipe; Si do t’ja bëjë kur nuk është plakë, si do të krihet?! Por qerratai gjenë shpëtimin edhe në këtë situatë. Po, Shqipëria digjet dhe me fjalorin e tij të pistë nuk ka se si të jetë plakë, është Edi Rama!

Ndërsa po i afrohej Parlamentit që e ka mbushur me të ngjashmit edhe pse ende se transformoi në bordello, me buzëqeshje priti prezantimin e kundërshtarëve që nuk po i bënë dot klientë. I erdhi radha për të dalë edhe në foltore, aty ku përdorë edhe armën e tij më të fortë, të folurën.

Koshient që një milion shuplakat tashmë i janë kthyer kundër, filloi krehjen e kundërshtarëve, por nuk i eci. Kishin flokë të dendur, nuk ishin as plaka, dhe ktheu krehrin nga vetja. Filloi të krihet, plasi veza, e kuqja e vezës hallakati krehrin dhe ngeci…