Shqipëria e përmbytur, shqiptarët në mëshirën e fatit

Prej dy ditësh Shqipëria po përballet me reshje intensive shiu, shumë qarqe ndodhen nën ujë, por, sot shqiptarët janë të pafat sepse nuk e kanë më atë Edi Ramën në opozitë që qëndronte afër, i furnizonte me ushqime dhe gërthiste për një qeveri të paaftë ku fajet i kishte Saliu.

Sot, për fatin e keq të shqiptarëve Edi Rama është pushtet, madje për herë të katër ka marrë votat nga ky milet për të cilin më nuk kas arsye të kujdeset, vetëm sa po shijon Durrësin si Venecian së bashku me Lali Erin në qelinë janë me pamje nga deti, Gjirokastrën me gurë të shkulur, Shkodrën e Becit duke u ërmbytur me shkarkimet e HEC-it të cila tas pas 12 viteve nuk diti ti menaxhoj, ndërkohë banesat dhe rrugët në Lezhë nuk kanë se si të jenë ndryshe kur në pushtet janë komunistët, përveç se nën ujë.

Përgjatë gjithë ditës së martë Durrësi u përball me përmbytje masive dhe shira të rrëmbyeshëm që pushtuan zona të tëra nga uji dhe pa pushtet, 900 banesa u përmbytën në Durrës ndërsa familjet filluan të evakuuan dhe rrugët të mbyllen.

Situata ngelet dramatike edhe sot, ku zona e ish-Kënetës ndodhet thuajse e gjitha nën ujë. Bllokimi i kolektorëve dhe kanaleve shkarkuese bëri që uji të vërshojë rrugëve të qytetit bregdetar, ndërsa kjo zonë u kthye sërish në Kënetë.

Përmbytjeve nuk i shpëtoi as burgu i Durrësit, ku kati i tij i parë u përfshi nga uji ndërsa situata paraqitet e rëndë edhe në Tregun Industrial të qytetit, ku uji ka shkatërruar plotësisht të gjitha mallrat që ndodheshin aty.

Probleme janë shkaktuar dhe në Shkodër, Kukës, Belsh e Vlorë. Po ashtu, nga reshjet intensive dëme të mëdha pati në Gjirokastër, ku rrugët janë pushtuar nga inertet dhe gurët, ndërsa shumë biznese kanë pësuar dëme materiale, pasi uji është futur brenda dyqaneve.

I gjithë territori i Qarkut Kukës vijon të jetë i përfshirë nga reshje shiu, duke rrezikuar rrugët nacionale, bashkiake dhe urat. Në Bashkinë Kukës, problematika më shqetësuese mbetet ura e fshatit Orgjost, e cila vijon të jetë e rrezikuar pas dëmtimit të njërës nga këmbët mbajtëse. Banorët raportojnë se për shkak të përkeqësimit të situatës, fëmijët nuk janë lejuar të shkojnë në shkollë, ndërsa kërkohet ndërhyrje e menjëhershme nga strukturat e Emergjencave Civile në nivel vendor dhe qendror. Rreth 1 mijë banorë të dy lagjeve të fshatit rrezikojnë të izolohen.

Vijojnë të jenë të bllokuara disa segmente rrugore në Njësinë Administrative Zapod, konkretisht rrugët Cërnalevë dhe Oreshkë. Për shkak të motit të keq, sot nuk është zhvilluar mësimi për nxënësit e shkollës në Cërnalevë. Nga Bashkia Tropojë raportohet se nuk ka problematika, ndërsa situata po monitorohet në mënyrë të vazhdueshme nga strukturat përkatëse.

Në Bashkinë Has mbetet problematik rezervuari Helshan 2, pasi poshtë tij ndodhet një objekt shkollor, çka përbën risk për sigurinë. Sa i përket furnizimit me energji elektrike, i gjithë Qarku Kukës furnizohet normalisht, përjashtuar Njësitë Administrative Zapod, Shishtavec dhe Topojan në Bashkinë Kukës, ku vijojnë ndërprerjet për shkak të kushteve atmosferike. Autoritetet u bëjnë thirrje qytetarëve të tregojnë kujdes të shtuar dhe të ndjekin njoftimet zyrtare, ndërsa strukturat e emergjencave vijojnë monitorimin e pandërprerë të situatës.

Në Bashkinë Shkodër, reshjet e shiut kanë pushuar prej disa orësh por ende ka prezencë uji në disa zona me tokë bujqësore dhe oborre banesash. Grupet e punës vijojnë monitorimin në zonat me risk të lartë.

Në zonën e Obotit, në rrugën kryesore evidentohet prezencë uji rreth 30–40 cm, duke lejuar qarkullimin vetëm për mjete të larta, ndërsa ujë është konstatuar edhe në disa oborre dhe sipërfaqe bujqësore.

Në Bashkinë Vau Dejës, reshjet e mbrëmjes së kaluar kanë qenë me intensitet mesatar. Përroi i Glinës dhe ai i Gjadrit kanë shënuar rënie të nivelit të ujit. Në Njësinë Administrative Bushat, në fshatrat Mal i Jushit dhe Hoten, rreth 15 familje raportohen të bllokuara për shkak të ujit, ndërsa strukturat vendore janë në gatishmëri dhe ndjekin nga afër situatën.

Në Bashkinë Malësi e Madhe, gjatë natës janë regjistruar reshje me intensitet të ulët, pa problematika të raportuara. Situata paraqitet e qetë dhe nën monitorim të vazhdueshëm. Në fshatin Kamicë, përroi i thatë është tërhequr nga rruga.

Në Bashkinë Fushë-Arrëz, vijojnë reshje shiu me intensitet të ulët. Si pasojë e reshjeve të ditëve të mëparshme janë evidentuar shkarje dherash, rënie gurësh dhe prezencë uji në disa akse auto-rurale. Rrugët janë të hapura për qarkullim dhe po punohet për pastrimin e tyre.

Në Bashkinë Pukë, aktualisht vijojnë reshje intensive shiu të shoqëruara me erë të fortë, por deri më tani nuk janë raportuar problematika apo emergjenca civile. Sipas të dhënave të Drejtorisë së Ujitjes dhe Kullimit Lezhë, niveli i ujit në Urën e Bunës është 1.80 metra, niveli i Liqenit të Shkodrës ndodhet në kuotën 7.7 metra, ndërsa në Dajç në kuotën 6.2 metra. Institucioni i Prefektit të Qarkut Shkodër u bën thirrje qytetarëve të tregojnë kujdes të shtuar, të ndjekin njoftimet zyrtare dhe të bashkëpunojnë me strukturat e Emergjencave Civile për çdo situatë të mundshme.

Reshjet e dendura të shiut kanë shkaktuar rrëshqitje dheu në fshatin Vajzë, duke dëmtuar rrugën kryesore të zonës dhe dy banesa. Si pasojë e lëvizjes së masës së dheut nga kodra përreth, fillimisht është dëmtuar infrastruktura rrugore dhe më pas janë prekur edhe banesat. Autoritetet njoftojnë se policia ka ndërhyrë menjëherë duke evakuuar banorët e dy shtëpive të dëmtuara, për arsye sigurie. Fatmirësisht, nuk raportohet për persona të lënduar. Lëvizja e automjeteve në këtë segment rrugor po kryhet në mënyrë të kontrolluar, ndërsa strukturat përkatëse janë në terren për të vlerësuar situatën dhe rrezikun e rrëshqitjeve të tjera.

Dëmtohet rruga si pasojë e shirave në fshatin “Vajzë”, dëmtohen dy banesa. Rrëshqitja e dheut ka bërë që fillimisht rruga e këtij fshati të dëmtohet dhe më pas dheu i kodrës ka spostuar dy banesat duke i dëmtuar. Policia ka bërë evakuimin e tyre ndërkohë që lëvizja e automjeteve është bërë e kontrolluar.

Gjirokastra, pas një nate të tmerrshme sot u zgjua me përpjepjekjet e qytetarëve që kanë përveshur mëngët dhe pa pushtet, që pastrojnë dëmet e shkaktuara në qytetin me kalldërmin e Mirelës por pa sistem kanalizimi!

Bizneset hapën qepenët dhe nisën pastrimin e ujit dhe baltës që ka pushtuar dyqanet, ndërkohë që rrugët janë bllokuar nga inertet dhe gurët. Ndërkohë shumë makina kanë ngelur të bllokuara mes inerteve.

Reshje intensive edhe në Pogradec kanë shkaktuar rritje të ndjeshme të nivelit të ujit në lumin e Starovës dhe lumin e Vërdovës, duke rritur rrezikun që ato të dalin jashtë shtratit. Autoritetet lokale bëjnë me dije se në terren janë angazhuar forca të shtuara për monitorimin e situatës, ndërsa strukturat përkatëse ndodhen në gatishmëri për të ndërhyrë në rast se niveli i ujërave vazhdon të rritet.

Banorëve, veçanërisht atyre që jetojnë pranë lumenjve, u bëhet thirrje të tregojnë kujdes të shtuar dhe të ndjekin udhëzimet e autoriteteve. Sipas institucioneve përgjegjëse, deri në këto momente Bashkia e Pogradecit mbetet zona më problematike sa i përket ndikimit të motit të keq.

Në Bashkinë Elbasan pas orëve të natës me reshje shiu sporadike me intensitet të ulët, me një sasi totale prej rreth 11 mm, autoritetet raportimojnë situatë më të qetë dhe pa problemae serioze. E vetmja problematikë e evidentuar është raportuar në Bashkinë Belsh, ku rreth orës 07:00 Drejtoria Vendore e Policisë ka njoftuar për prani uji në dy banesa,njëra në qytetin e Belshit, në zonën e ish-SMT-së, dhe tjetra në fshatin Qafë Shkallë. Menjëherë është njoftuar Bashkia Belsh për marrjen e masave të nevojshme dhe ndjekjen e situatës në terren.

Në bashkitë e tjera të qarkut nuk raportohen problematika apo situata emergjente. Akset rrugore nacionale dhe rurale janë të gjitha të hapura për qarkullimin e mjeteve. Në aksin nacional Gramsh–Moglicë ka pasur rënie inertesh në rrugë, të cilat janë pastruar në kohë nga firma kontraktuese, duke rikthyer normalitetin e lëvizjes. Prurjet e lumenjve dhe përrenjve janë në kuota mesatare dhe nuk paraqesin rrezik për përmbytje. Sa i përket furnizimit me energji elektrike, gjatë natës janë regjistruar disa stakime, ndërsa aktualisht mbeten pa energji fidri në Njësinë Administrative Përparim, Bashkia Peqin, si dhe fidri Klos–Mollas në Bashkinë Cërrik, ku po punohet për rikthimin e energjisë. Autoritetet lokale dhe strukturat e emergjencave vijojnë monitorimin e situatës, duke garantuar ndërhyrje të shpejtë në rast të përkeqësimit të kushteve atmosferike.

Ndërprerja e reshjeve të shiut gjatë natës ka sjellë uljen e nivelit të lumit Ishëm, duke bërë që uji të nisë të tërhiqet në disa zona të prekura nga përmbytjet.

Megjithatë, problematike mbeten zonat e Bilajit, Murqinës dhe Mallkuçit, ku uji vijon të jetë i pranishëm nëpër ara. Shkak për këtë situatë është mosfunksionimi i kanaleve kulluese, çka po pengon largimin e plotë të ujit. Autoritetet lokale po monitorojnë situatën, ndërsa fermerët shprehen të shqetësuar për dëmet në tokat bujqësore.

Ndryshe, sot në qarqet Vlorë dhe Gjirokastër priten reshje intensive deri lokalisht shumë intensive, ndërsa në qarqet Shkodër dhe Lezhë priten reshje intensive. Në këto qarqe mund të ketë vërshime të shpejta të lumenjve të vegjël malorë dhe rrëshkitje të dherave. Në zonat urbane, në këto qarqe mund të shfaqen probleme me përmbytje të lokalizuara, në varësi të gjëndjes së kanalizimeve.

Sipas llogaritjeve hidrologjike të IGJEO-s, si rezultat i reshjeve me intensitet të lartë të rëna gjatë ditëve të kaluara, të cilat do të vazhdojnë deri nesër, do të ketë rritje të rrezikshme të prurjeve dhe niveleve në lumenjtë Drin-Buna, Liqeni Shkodrës, lumi Mat, Shkumbin dhe Vjosë.

Lumi Drin-Buna dhe Liqeni i Shkodrës do të kenë rrezik të shtuar për përmbytje në vazhdim të ditës së sotme.

Në qarqet e tjera priten reshje mesatare deri lokalisht intensive. Reshjet priten të shoqërohen me shtrëngata.

Në Veri, Lindje dhe Juglindje në lartësitë mbi 1000 m nga niveli i detit reshjet do të jenë në formë dëbore.