Shqipëria mbështet formimin e misionit për verifikimin e të drejtave të njeriut në Rusi

Shqipëria ka mbështetur iniciativën e disa shteteve të OSBE që të formohet një mision i ekspertëve që do të verifikoj gjendjen e të drejtave të njeriut në Rusi, në veçanti pas luftës në Ukrainë.

Në deklaratën e përbashkët, theksohet se gjatë agresionit rus kundër Ukrainës, liria e shprehjes si dhe liria e tubimeve, janë kufizuar edhe më shumë, e në veçanti ligji për “agjentët e huaj” dhe rregullimi i të ashtuquajturave organizata “të padëshiruara”.   

Ambasadorja nga Islanda, Kristin A. Arnadotir, në emër të 38 shteteve anëtare të OSBE, duke ju referuar mekanizmit moskovit të OSBE, ka angazhuar ekspertët të shqyrtojnë gjendjen e të drejtave të njeriut në Rusi.

Deklaratën, në emër të delegacioneve të Shqipërisë, Maqedonisë Veriut, Malit Zi, Austrisë, Belgjikës, Suedisë, Zvicrës, Ukrainës, Mbretërisë së Bashkuara, Shteteve të Bashkuara dhe Islandës, e ka lexuar Ambasadorja A. Arnadotir.

“Të gjithë me kujdes dhe me shumë shqetësim e kemi vëzhguar situatën e të drejtave të njeriut në Federatën Ruse. Si shtet anëtar i OSBE, Federata Ruse është obliguar për respektimin e të drejtave të njeriut dhe lirive themelore. Gjithashtu e ka njohur rëndësinë e tyre universale dhe ka pranuar se respektimi i të drejtave të njeriut dhe lirive themelore, faktor thelbësor për paqe, drejtësi dhe mirëqenie, të domosdoshme që të sigurohet zhvillimi i marrëdhënieve miqësore dhe bashkëpunimit mes shteteve,” thuhet në deklaratën e përbashkët.

Mirëpo, thuhet se ligjet e shumta të imponuara në vitet e fundit në Federatën Ruse, siç është ligji për “agjentët e huaj”, rregullimi i të ashtuquajturave organizata “të padëshiruara”, si dhe urdhra të panumërta të Shërbimit Federal për mbikëqyrjen e komunikimeve, teknologjive të informacionit dhe mediave “Roskomnadzor”, së bashku me vendime të përbashkëta administrative, dëshmojnë se pushteti rus i ka shfrytëzuar për përballje me shoqërinë e pavarur civile, mediat e pavarur dhe opozitën politike; Në shënjestër ishin në veçanti organizatat joqeveritare, aktivistët e luftës kundër korrupsionit, gazetarët, faktorët tjerë mediatik, hulumtuesit dhe avoktatët.

“Gjatë agresionit rus në Ukrainë, liria e shprehjes si dhe liria e tubimeve, janë kufizuar edhe më shumë. Delegacionet tona, si dhe shumë të tjera në Këshillin e Përheshëm, disa herë kanë shprehur shqetësimin gjithnjë e më të madh për këto zhvillime të ngjarjeve. Përgjigja e Federatës Ruse nuk ishte adekuate. Tërheqim vërejtjen se Rusia gjithashtu nuk ka arritur të ofroj përgjigje të duhur për gjetjet dhe rekomandimet e raportit të Misionit të Ekspertëve të Mekanizmit të Moskës nga viti 2018 për mosndëshkimin e shkeljeve të raportuara dhe keqpërdorimit të të drejtave të njeriut në Republikën e Çeçenisë, dhe se informacionet alarmante vazhdojnë të vijnë nga Çeçenia për shkeljen e të drejtave të njeriut,” thuhet në deklaratën e përbashkët.    

Për këtë arsye duke ju referuar paragrafit 12 të dokumentit moskovit të Konferencës për dimensionin njerëzor të OSBE  (Mekanizmi i Moskës) nga vitit 1991 në mënyrë që të vendoset misioni i ekspertëve që do të verifikojnë dhe raportojnë për shqetësimet aktuale.

“Misioni i ekspertëve, ndër të tjera, do të ketë për detyrë të raportoj për: 

E para, që të vlerësohet gjendja e respektimit të Rusisë, të ligjeve dhe në praktikë, të detyrimeve që ka dhe të identifikohen veprimet që qeveria ruse i ka ndërmarrë në vitet e fundit dhe që kanë shkaktuar gjendjen aktuale të të drejtave të njeriut dhe lirive themelore në vend.

E dyta, të vlerësohen pasojat e një zhvillimi të tillë të ngjarjeve ndaj shoqërisë civile ruse, mediave të lira, sundimit të ligjit dhe aftësisë së proceseve demokratike dhe institucioneve që të funksionojnë në Rusi, si dhe arritjes së qëllimeve të OSBE për sigurinë gjithëpërfshirëse,” thuhet në deklaratën e përbashkët.

Departamenti i Shtetit e ka përshëndetur Deklaratën, duke theksuar se raporti i këtij misioni pritet në muajin shtator.