Shqipëria me President të ri. Ave Bajram, morituri te salutant!

Me 78 vota për, sot Parlamenti i Shqipërisë zgjodhi Presidentin e ri, Bajram Begaj.

Në fillim të seancës plenare, Kryetari i PD, Sali Berisha duke kundërshtuar kandidaturën kërkoi fjalën për procedurë por Kryetarja e Parlamentit, Lindita Nikolla e refuzoi duke i dhënë fjalën kryetares së Komisionit të Ligjeve, Klotilda Bushka, që të lexojë raportin e komisionit për figurën e Bajram Begajt si President.

Në situatën e krijuar, deputetët e Partisë Demokratike u detyruan të braktisin procesin e votimit ndërsa ata të LSI-së e çuan deri në fund shërbimin të cilin e nisi Ilir Meta nga Stambolli duke ju bashkuar maskaradës presidenciale që Edi Rama e nisë muaj më parë.

Pas votimit, deputetët socialist u mblodhën rreth Presidentit të ri duke e përshëndetur, dhe vetëm përshëndetja nga Roma e lashtë për perandorin Caesar mund t’iu shkoj këtyre përfaqësuesve të kamur të botës socialiste shqiptare dhe kësaj pamje të trishtë, sot kur morën të gjitha pushtetet dhe si gladiatorë mund të bëjnë vetëm luftë mes vete.

Ave Bajram, morituri te salutant! /Lexo shqip: Përshëndetje Bajram. Të përshëndesin ata që do të vdesin!/

Normalisht se kjo do të ndodhë pavarësisht nëse do të ketë luftë në mes tyre, do të veproj ose jo SPAK-u!

Në fund, ndonëse Bajram Begaj nuk u zgjodhë President për këtë lloj lufte, Edi Rama tashmë e ka rrugën e hapur për firmosjen e zgjidhjes së Marrëveshjes së Detit me Greqinë sikur të dërgohet edhe në Gjykatën e Hagës, dhe jetësimin e nismës serbe, Ballkani i Hapur!