Shqipëria në këmbë/ Protesta në Shkodër, Korçë, Dibër, Gjirokastër…

Shkodra, Korça, Dibra dhe Gjirokastra sot protestojnë.

Shkodra e harruar nga qeveria dhe e nënshtruar nga krimi i mbështetur nga Rilindja, është ngritur në protestë duke fajësuar direkt qeverinë e Edi Ramës, si shkaktare e nivelit gjithnjë në rritje të varfërisë e pasigurisë në kryeqëndrën e veriut.

Të thirrur nga opozita, qytetarët e Shkodrës thonë se rritja e çmimeve, mungesa e punës e kanë bërë shumë më të vështirë jetesën në Shkodër, Malsi e Madhe dhe Pukë.

“Në 6 vjet qeverisje, Rama bllokoi çdo investim për veriun e sidomos për kryeqëndren historike, Shkodrën,“ deklarojnë protestuesit, situatë kjo, sipas tyre e  shoqëruar edhe me rritjen e frikëshme të krimit e bandave kriminale, që po i detyron të rinjtë të ikin në emigracion.

“Dy rrugë ka për të rinjtë, ose të bëhën pjesë e bandave kriminale, ose të ikin në Gjermani,” theksojnë protestuesit duke shtuar se politika e Edi Ramës në 5 vjet është ulja e financimeve për arsim dhe rritja e tarifave.

“Qëllimi i Edi Ramës është të mbajë rininë të paarsimuar, që ta ketë më të thjeshtë të shkelë ligjin. Edi Rama është Kryeministri i emigracionit. Po detyron të rinjtë të largohen, sepse nuk ka më shpresë për të gjetur punë,” deklarojnë qytetarët e shokuar nga kjo qeverisje kriminale, sot, kur në Shkodër njerëzit kanë frikë nga bandat, sepse ato i mbron pushteti.

“Ne i dimë lidhjet e deputetëve të PS me kriminelët në Shkodër, i dimë tenderat që marrin si shpërblim për terrorin në zgjedhje dhe blerjen e votës. Rinia shkodrane nuk pranon të qveriset dhe të urdhërohet nga krimi. Ne jemi njerëz të lirë. Ndjehemi të braktisur nga Qeveria. Nuk mbajti asnjë premtim. Në Shqipëri sot ska punë, ska mundësi për të ecur përpara po nuk njohë dikë, korrupsioni është bërë standard, shteti nuk kujdeset më për qytetarët e vet. Çdo ditë e më shumë po varfërohemi,” theksojnë protestuesit.

Korça: Më 16 Shkurt, të gjithë kundër Kryeministrit të varfërisë

Qytetarët e Korçës protestojnë në qendër të qytetit dhe para bashkisë, duke ngritur zërin për gjendjen e vështirë që po kalon çdo qytetar sot.

Megjithëse një nga zonat më prodhuese në vend, fermerët korçarë, janë të falimentuar, për shkak se gjendja ekonomike e popullsisë është gjithnjë e më në rrënim dhe nuk ka konsum. Për pasojë, ata thonë se janë të detyruar ti hedhin prodhimet bujqësore, ndërsa qeveria i ka lënë jashtë çdo skeme subvencionimi.

Në mungesë të subvencioneve, mallrat e importit janë duke e falimentuar fermerin dhe biznesin shqiptar.

Qytetarët që i janë përgjigjur thirrjes së opozitës, marshuan nëpër rrugët e qytetit, duke hedhur parulla kundër qeverisë dhe bashkisë së Korçës:

“Prodhimet po i hedhim. Nuk ka treg. Nuk kanë njerëzit lekë me ble. Ndjehemi te braktisur nga Qeveria. Nuk mbajti asnjë premtim. Qeveria nuk na jep asnjë subvencion. Lekët e subvencioneve i marrin vetëm 2-3 njerëz të lidhur me pushtetarët,” janë disa nga paknaqësitë korçare sot kur në Shqipëri nuk ka as punë, ska mundësi për të ecur përpara po nuk njohe dikë dhe korrupsioni është bërë standard: “Shteti nuk kujdeset më për qytetarët e vet. Njerëzit janë te papunë, po ikin te rinjtë. Qytetet dhe fshatrat po braktisen nga të rinjtë. Kemi me pak lekë, nuk mbyllim dot muajin, çmimet janë rritur pas rritjes se taksave, theksojnë protestuesit në Korçë tashmë të vendosur se duhet të protestojmë në Tiranë më 16 Shkurt: Të gjithë kundër Kryeministrit të varfërisë!

Dibra: Qeveria nuk mbajti asnjë premtim. Na braktisi…

Në Dibër, protesta u zhvillua në rrugët kryesore të qytetit të Peshkopisë, për të kulmuar me thirrjet në sheshin qëndror.

Protestuesit akuzuan qeverinë për situatën në Dibër, që me gjithë propagandën e Rilindjes, mbetet sot një nga qarqet më të varfra në Shqipëri.

Në fjalën e tyre, shumë prej protestuesve, adresuan problematikat duke vënë theksin tek rritja e madhe e çmimeve, ndërkohë që mundësia për të siguruar një punë mbetet minimale. Qytetarët thanë, se bashkia ashtu si edhe qeveria është kthyer në një vatër korrupsioni duke zhytur edhe më shumë në mjerim familjet pa asnjë ndihmë ekonomike të Dibrës, duke detyruar të gjithë të aftët për punë të marrin rrugën e emigrimit. Parullat kryesore të protestës në Dibër:

“Gjendja ekonomike e familjeve është përkeqësuar. Ndjehemi të braktisur nga Qeveria. Nuk mbajti asnjë premtim. Në Shqipëri sot s’ka punë, s’ka mundësi për të ecur përpara po nuk njohe dikë, korrupsioni është bërë standard, shteti nuk kujdeset më për qytetarët e vet. Njerëzit janë te papunë, po ikin të rinjtë,” theksojnë protestuesit dibranë duke shtuar se Qeveria e ka mendjen vetëm tek koncesionet. “Llixhat janë pasuri e Dibrës. Edi Rama kërkon të na i marr dhe t’ia jap privatit. Llixhat janë tonat. Qeveria të heq dorë menjëherë nga dhënia me koncesion,” theksojën dibranët se duhet të protestojnë më 16 shkurt në Tiranë, kundër Kryeministrit te varfërisë.

Gjirokastra: Na premtoi shëndetësi falas, falas na jep mjerimin!

Qytetarët e Gjirokastrës, krahas shumë problematikave që kanë me rritjen e çmimeve, papunësinë dhe varfërinë, protestuan sot edhe për mugesën e një prej shërbimeve jetësore, shëndetësinë.

Të thirrur nga opozita, gjirokastritët dolën nëpër rrugët e qytetit, duke bllokuar edhe kryqëzimin pranë ish-NSHN-së.

“Na premtoi shëndetësi falas, por falas po na jep vetëm mjerimin,” ishin thirrjet e qytetarëve në Gjirokastër, ku mungesa e ilaçeve në spitale, largimi i mjekëve dhe mbyllja e qëndrave kryesore shëndetësore në këtë rajon të jugut të Shqipërisë, ishin disa nga shqetësimet që ngritën protestuesit, shoqëruar me thirrje kundër qeverisë dhe me parulla në duar:  

“Qeveria na premtoi shëndetësi falas, por falas po na jep vetëm mjerimin.

Në spitale nuk ka ilace. Po vdesim njerëzit. Mjekët po braktisen Shqipërinë,” theksojnë gjirokastritët duke konstatuar se të rinjtë po braktisin Shqipërinë, shkollat po mbyllen dhe Arsimi po rrënohet. Edhe në Gjirokastër qytetarët janë të vendosur të protestojnë në Tiranë më 16 Shkurt: Të gjithë kundër Kryeministrit të varfërisë!