Shqipëria në mjerim/ Zgjidhja, vlonjatët i presin biletën Edi Ramës: Vlorë-Në të sëmës…

“Nuk jemi të varfër, por jemi të vjedhur”, kjo ishte simbolika e parullave që qytetarët vlonjatë kishin zgjedhur për të ironizuar zollumet dhe vjedhjet e qeverisë së Edi Ramës.

Duke protestuar për më shumë se një orë te rreth rrotullimi i Skelës, qytetarët u shprehën se situate po bëhet gjithnjë e më e vështirë, çmimet janë rritur, janë shtuar ndërkohë alternativat për punësim bëhen më të pakta.

Për situatën e krijuar, ndërsa nuk kursyen edhe akuzat ndaj bashkisë së Vlorës, që ka harruar tu shërbejë qytetarëve, protestuesit e bënë përgjegjës Edi Ramën.

E për ti dhënë fund kësaj situate, ku mjerimi është ulur këmbëkryq, qytetarët vlonjatë e kanë një zgjidhje:

Një biletë avioni vetëm “Vajtje”për Edi Ramën, me kompaninë e tij fantazëm, Air Albania.

Nga: Aeroporti i Vlorës – Në: Të sëmës!

Në të njëjtën kohë me Vlorën, protesta është ndezur edhe në Paskuqan, njësi administrative e bashkisë Kamëz, një nga zonat më të varfëra, megjithëse në vijë ajrore 500 metra larg qëndrës së Tiranës.

Banorët e kësaj njësie, të shumtë në numër, bllokuan për një orë rrugën e vetme hyrëse për në Paskuqan, në shenjë proteste ndaj qeverisë që sipas tyre është arsyeja e këtij mjerimi.

Ashtu si edhe në të gjithë Shqipërinë, protestuesit hodhën parulla kundër rritjes së çmimeve, papunësisë dhe sidomos për largimin e të rinjëve nga vendi. Si në Vlorë, ashtu edhe në Paskuqan, protetsuesit bënë thirrje për bashkim kombëtar në Protestën e Madhe të cilën e organizon opozita më 16 Shkurt në Tiranë.