Shqipëria po zien nga zemërimi, Berisha: 2.500 policë kanë dhënë dorëheqje!
Për shkak të çmimeve të papërballueshme të produkteve bazë të jetesë, duke parë te Edi Rama një shpresëvrasës dhe ëndërrvrasës, Kryetari i Partisë Demokratike, Sali Berisha, tha sot se Shqipëria po zien nga zemërimi dhe revolta e qytetarëve ndërsa janë 2.500 policë që kanë dorëzuar doreheqjen.
“Shqipëria po zien nga zemërimi dhe revolta e qytetarëve të saj, e bizneseve të vogla, të cilët presin në ankth të madh të nesërmen, për të shkak të lukunisë së taksidarëve që është derdhur mbi ta, po zien në çdo familje shqiptare, për shkak të çmimeve të papërballueshme të produkteve bazë të jetesës.
Po zien tek çdo i ri, që sheh te Edi Rama një shpresëvrasës dhe ëndërrvrasës. Po zien te çdo pensionist që qan me lotët e ftohta e mjerimit sepse nuk siguron kafshatën dhe nuk blen dot ilaçet me pensionin e tij. Po zien te qindra mijëra punonjës në këtë vend, që me pagën mizerabël që marrin, nuk përballojnë dot as gjysmën e muajit,” tha Sali Berisha në konferencëne përjavshme duke folur për një situatë të rëndë të sigurisë ndërsa uria, dhuna dhe skamja po detyrjonë shqiptarë të braktisin vendin.
“Mijëra ushtarake kanë dorëzuar dorëheqjen, 2500 policë kanë dorëzuar doreheqjen dhe Çuçi i familjes fsheh realitetin. Gjysma e ushtarakeve profesionist kanë dorëzuar doreheqjen dhe mbahen me detyrim per shkak të kontratës. Siguria është në shkallën më të ulët. Uria, dhuna dhe skamja po detyrjonë shqiptarë të braktisin vendin e tyre.
Vetem protestat e fuqishme për largimin e këtij njëriu që urren të rinjtë dhe qytetarët është zgjidhja me emergjente,” tha Kryetari i Partisë Demokratike në konferencën e përjavshme duke vlerësuar se çdo deputet i PD ka detyrim moral të jetë prezentë në protestën e 12 nëntorit.
“Çdo deputet, çdo anëtar dhe simpatizant i PD, është i ftuar- dhe në vlerësimin tim i detyruar të marrë pjesë në protestën antiqeveritare, antiregjim absolutar të datës 12 nëntor. I detyruar moralisht. Ju e shihni rrokullimën e madhe,” tha Kryetari i Partisë Demokratike, Sali Berisha, duke sjellë në vëmendje edhe përkeqësimin e indeksit të sundimit të ligjit në Shqipëri nga raporti i fundit.
“Ju e patë se Shqipëria ka zbritur poshtë Vietnamit sa i përket shtetit ligjor. Vietnami është një shtet që drejtohet nga një parti komuniste, e megjithatë shteti ligjor është më i respektueshëm se në Shqipëri. Çka do të thotë se Vietnami ka një drejtësi më funksionale se drejtësia e kapur nga politika dhe korrupsioni në Shqipëri.
Si Vietnami dhe Shqipëria janë vende monopartiake, por i vetmi shkak pse Vietnami është para nesh, se Vietnami nuk pretendon që partia komuniste nuk kontrollon drejtësinë, por Edi Rama ushtron një kontroll të pamëshirshëm mbi drejtësinë. Ju e patë, Eurobarometri i fundit, qytetarët shqiptarë hidhnin në kosh, reformën sorosiane, e cila shndërroi drejtësinë shqiptare në degë të ekzekutivit.”
