Shqipëria proteston, Rama: S’është populli, pakicë… Dhe, si Luli, i pret me Zyrë të blinduar!
Ndonëse dita e premte u përfshi nga protesta masive në gjithë Shqipërinë kundër rritjes së çmimeve, Kryeministri Edi Rama i injoroi ato duke e konsideruar pakicë të zhurmshme në kërkim të rrëmujës, reagim pas të cilit u pa të blindoj Zyrën e tij në prag të Protestës së madhe Kombëtare e cila pritet të mbahet sot në orën 11:00 para Kryeministrisë.
“Për kë e njeh dorën e nongratave të shpallur e të pashpallur, këto protesta janë një përpjekje e ulët e te të njëjtave hije të së shkuarës, për të manipuluar njerëzit duke hedhur gurin e fshehur dorën! Ky nuk është populli, po e njëjta pakicë e zhurmshme në kërkim të rrëmujës!” thekson Kryeministri Edi Rama në reagimin e tij përmes rrjetit social Twitter, por siç veproi partneri i tij i bashkëqeverisjes, Lulzim Basha, blindoi Kryeministrinë kur u informua se kjo “pakicë” sot proteson para Zyrës së tij.
Por, përtej Zyrës dhe blindave, Ish-Presidenti Sali Berisha zbulon një turp shumë më të madh që implikon Kryeministrin Edi Rama me hyzmeqarin e tij Lulzim Basha.
“Edvin Rama dhe Lul Brava me një zyre shtypi!” – thekson Berisha, duke nënvizuar shprehjen e përdorur në reagimet e Ramës dhe Bashës “…nongrata të shpallura dhe të pashpallura…”, e që nuk është rastësi vetë djalli Edi është ai që kujdeset për detajet, në veçanti pjesën që dinë ta bëjë më së miri: shkronjësin e fjalimeve; Shkronjës i këtij formati që ka derdhur talentin edhe në kohën e angazhimit me Kryeministrin Ilir Meta.
Ndryshe, që është populli që proteston kundër rritjes së çmimeve pavarësisht se çfarë thotë Kryeministri u konfirmua nga angazhimi i policisë socialiste mbrëmjen e së premtes që ti jap fund protestës edhe me metoda që përdor vetëm krimineli Vladimir Putin!
Ndërsa konfirmimi i partneritetit të Edi Ramës me Lulzim Bashën me këtë reagim vjen pas atij që i bëri Nënkryetarja e PD, Grida Duma, me Portin e Durrësit.
