Shqipërisë i dalim zot, Berisha: Uragani i lirisë sot në ora 12:00 në Tiranë!

Sot kur mbështetësit e Lulzim Bashës presin vendimin e Edi Ramës që përmes Gjykatës së Apelit të vulos përfundimisht shkërmoqjen e Partisë Demokratike, demokratët ndryshe nga këta morra të kuq, duke u zotuar në bashkim për rrëzimin e regjimit komunist me moton “Shqipërisë i dalim zot”, kanë paralajmëruar protestë para Kryeministrisë, aty ku flenë lepuri i së keqes, mjerimit, dhe shkatërrimit të atëdheut.

Kryetari i Partisë Demokratike, Sali Berisha, përmes një mesazhi shprehet se opozita është në betejë dhe me pasion e sakrifica do e shporr Edi Ramën dhe regjimin e tij ndryshe do ti dënoj historia.

“Uragani i lirisë sot në ora 12:00 në Tiranë!”

Në prag të kësaj proteste, lideri i opozitësh shprehet:

“Do jemi në betejë, duhet të bëjmë gjithçka me pasion me sakrifica. Ne do përdorim çdo mjet të mosbindjes civile për t’i shkurtuar ditët dhe për të përmbysur këtë regjim.

Ky regjim është më i egër se çdo pushtim që shqiptarët kanë në histori.

Ky regjim me politikat që ka ndjekur, me varfërimin masiv të shqiptarëve, me shndërrimin e votës në një letër pa vlerë, ua ka nxirë jetën shqiptarëve,” tha Kryetari i PD, Sali Berisha, në mesazhin e tij duke përfunduar:

“A mundet ne ta pranojmë për kryeministër, një njeri që vjedh shqiptarët, i varfëron, i mjeron dhe i degdis në dhera të tjera? Nuk ka dënim më të madh që do na bëjë historia nëqoftëse nuk e shporrim atë dhe regjimin e tij.”

Ndërkohë që opozita ka thirrur protestën, Policia e Shtetit ka bërë të ditur se nga ora 10:00 do të bllokohen disa rrugë deri në përfundim të tubimit.

Rrugët ku do të bllokohet qarkullimi: Bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i Rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D’Ark” dhe bulevardi “Bajram Curri”, nga kryqëzimi i Rrugës së Elbasanit me rrugën “Ibrahim Rugova”.