Shqiptarët e Malësisë i shkaktojnë humbjen e parë Gjukanoviçit

Njeriu i cili konsiderohej më i pushtetshmi në rajon, Presidenti i Malit të Zi, Milo Gjukanoviç, i cili ngadhnjeu edhe ndaj kasapit të Ballkanit, Sllobodan Millosheviç, pësoi humbjen e parë në historinë e tij politike. Këtë humbje ia shkaktuan Shqiptarët e Malësisë në zgjedhjet e para lokale që u zhvilluan në Komunën e Tuzit.

Pas numrimit të 99% të votave të numëruara, partitë politike shqiptare të bashkuara si Forum Shqiptar arritën të fitojnë 16 mandate duke lënë pas DPS-n e Gjukanoviçit me vetëm 10 mandate.

Ndonëse shtabi zgjedhor i DPS thekson se kanë 11 mandate, sidoqoftë lideri i Forumi dhe kandidati shqiptar për komunën e Tuzit, Nik Gjeloshaj, tashmë e ka të qartë se cila do të jetë aleanca me shqiptarët për krijimin e shumicës për të qeverisur komunën, dhe këtë e ka bërë publike:

Këto janë rezultatet paraprake:

Forumi Shqiptar 3780 vota 16 – mandate

DPS 2470 vota – 10 mandate

SNP 81 vota – 0

Demokratët 236 vota – 1 mandat

SD 356 vota – 1 mandat

Boshnjakët 952 vota – 4 mandate

Jozyrtarisht, Malësia.org ka bërë të ditur se Kryetari i Komisionit Komunal Zgjedhor, Shtjefën Ujkiq nuk i ka nënshkruar rezultatet e zgjedhjeve, në të cilat ka fituar Forumi Shqiptar dhe arsyet nuk dihen ndërkohë pritet zyrtarizmi i rezultatit nga KQZ e Malit të Zi.

Ndryshe, këto janë zgjedhjet e para lokale në Komunën e Tuzit, ku të drejtë vote në Malësi kishin 11.904 qytetarë.