Shqiptarët festojnë, Edi Rama bën daljen e fundit për koronavirusin!

Shqiptarët sot kanë festë! Si ditë feste, shqiptarët e duruan me kënaqësi Kryeministri Edi Rama në daljen e tij të fundit publike për koronavirusin edhe kur u tha se Shqipëria është sot një histori suksesi dhe një gjë të tillë e tregojnë rezultatet. Në këtë pikë, tha ai, po të kthehej pas, të shihte tek gjërave që ka bërë gabim, nuk do t’i kishte kthyer përgjigje komenteve fyese në Facebook.

Dhe, duke u ndaluar tek fyerjet nga Surreli, pasi u shfry mirë për ditë të tëra, në daljen e fundit për COVID-19, Edi Rama iu kërkoi ndjesë atyre që mund të ketë lënduar.

“Gazrat e fodullëkut opozitar i mori era, ajo që mbetet sot është e shënuar në historinë e përbashkët të kësaj kohe fatkeqësie për njerëzimin është rezultati, bilanci, të cilin brrockullat e të paditurve nuk e zhbëjnë dot. Asgjë, asnjëherë nuk është e përsosur, asnjë qeveri dhe asnjë lider s’ka shmangur dhe s’mund të shmangin dot vendime të gabuara, kritika apo masakrime publike për një vendim të caktuar, sidomis në kushte si këto kur koha nuk pret. Edhe më të lavdishmit po të ngjalleshin edhe njëherë, jo me të zakonshmit si unë, po të kthëheshin pas do gjenin gjëra për të mos u përsëritur. Nuk e kam analizën e kësaj faze me skuadrën por nëse do kthehesha pas nuk do iu përgjigjesha më komentatorëve brutal në faqen time,” tha Edi Rama që komunikimit primitiv e konsideron punë me pasion:

“Nuk di ta bëj këtë punë pa pasion, gjak, për bindjet e mia dhe të vërtetat e mia. I mbroj ato me forcë. Për shumëkënd mund të duket arrogancë, por ajo që di me siguri është se unë nuk vras, vjedh shantazhoj, shpif, nuk zdërhallem për qejfet e mia rrugëve të botës, unë nuk punoj për të jetuar por jetoj për të punuar. Sikur mos e shifja këtë si mision për të ndihmuar sa më shumë njerëzit, kuruar sa më shumë nga plagët këtë vend, s’do e duroja dot lukuninë e faunës dhe xhunglës sonë mediatike. S’kam lindur në kallëp politikani dhe as do vdes, s’dua të jem politikani as kryeministri tipik…jam nisur vetëm nga qëllimi i mirë, për të mbrojtur bindjen e qeverisë dhe aspak për të lënduar ndokënd. Nëse dikush është lënduar i kërkoj ndjesë nëse, nuk u ndje mirë nga komunikimi pa dorashka”.

Pasi konstaton se Shqipëria deri më sot ia ka dalë faqebardhë me pandeminë, për shifrat e fundit në Tiranë që nuk janë të mira, fajtor sipas tij janë turmat e iniciuara nga partitë politike, për atë që ai e quan ‘karakatinën’ e Teatrit po rrezikon ndjeshëm shëndetin e qytetarëve.

”Ai as ka ikur dhe as është mundur përfundimisht. Numrat në Tiranë nuk po flasin mirë. Shfaqjet politike me turma pa asnjë lloj mase por përkundrazi me karshillëk që flet për papërgjegjshmëri, dhe në rastin më të keq për dritëshkurtësi po vijojnë edhe përtej të 3-tave të karakatinës së Teatrit. Sa për të mbledhur firma për pseudoaktorët e Teatrit që janë në funksion të një partie të re, si dhe për bizneset që me demek nuk kanë marrë asnjë kacidhe, po luhet me shëndetin e popullit. Bëni kujdes, kujdes, se nuk ju vjen asgjë e keqe nga meraku. Pasojat e asaj që hoqëm do i kalojmë por edhe me shtrëngesat që kemi, por me shëndetin e familjeve nuk luhet.

Shani e shfryni sa të doni, por rrezikun e infeksionin mos e përqeshni. Pasi përballuam më të keqen dhe largqoftë mos mbyllemi prej atyre që duek refuzuar ta pranojnë ekzistencën e rrezikut mund të hapen si vaji në lakra. Kjo fazë ku kemi hyrë është shumë delicate. Mund ta harrojmë se virusi as ka ikur as është mundur. Dua t’ju falenderoj për sjelljen e përgjegjshme si njerëz e qytetarë për masat ekstreme. Ja kemi dalë faqebardhë pasi gjërat mund të shkonin për dreq nëse qeveria mund të mos kishte qenë në lartësinë e duhur,” tha Kryeministri duke shtuar se zërat e atyre që kanë sy po s’duan të shohin, kanë vesh po s’duan të dëgjojnë nuk munguan, ishin shumë pak.

Nga 1 qershori makinat qarkullojnë normalisht, hapen dhe plazhet

Me këtë rast, Kryeministri Edi Rama bëri me dije se kjo është java e fundit e zonave me ngjyra të kuqe apo të gjelbra, kjo është fundjava e fundit që do ketë kufij mes zonave të kuqe dhe të gjelbra kështu makinat mund të qarkullojnë normalisht në gjithë vendin.

Nga 1 Qershori, tha Rama, do të hapen edhe plazhet por që çadra do të vendosin vetëm hotelet dhe vetëm me autorizimin përkatës nga shteti, dhe askush tjetër.

”Java e fundit e zonave me ngjyra dhe fundjava e fundit për ndalim mes zonave në kufij. Detajet të premten.

Ju falenderoj për gjithçka dhatë. Unë dhe kjo qeveri do vijojmë punën dhe së shpejti ju prezantojmë planin e rimëkëmbjes ekonomike. Jo vetëm të zhdukim pasojat e kësaj kohe dreqi port ë dalim më të fortë. Do investohemi me gjithë energjitë tona dhe qysh prej fillimit të qershorit do të happen kantieret e rindërtimit dhe shumë të prekur nga tërmeti do hyjnë në shtëpi si dhe lagje të reja. Do të ketë dhe një plan investimesh dhe do hapë plot mundësi për punësim dhe do zgjerojë frymëmarrjen e këtij organizmi të vendit. Si sot viti, të gjithë do e kuptojnë që nga kjo goditje do të bëhemi më të fortë. Më vjen mirë që me gjithë sistemimin e aplikimeve, shpesh me gabime, janë aktualisht 65 mijë e 984 që kanë marrë 2 paga lufte, dhe 109 mijë e 696 të tjerë që kanë marrë 400 mijë lekë. Janë shqyrtuar me shumë vëmendje mijëra raste që për asnjë arsye apo një tjetër nuk kanë marrë pagën 400 mijë lekë. Nga një anë nga neglizhenca e pronarëve. Unë them atë që bëj, dhe bëj atë që them. Duart mos harroni t’i lani sa më shpesh se ai nuk ka ikur,” tha Rama duke shtuar se disa aktivitete do të vijojnë të jenë të mbyllura edhe pas kësaj jave ndërsa për transportin publik e bëri të qartë se nuk do të hapet menjëherë, por duhet të presë edhe pak.

”Kjo është java e fundit e masave kufizuese. Me përjashtim të aktiviteteve kulturore e sportive, ku do mungojnë spektatorët, dasmave e funeraleve ku nuk do të mblidhen qindra njerëz, transporti publik i mbyllur edhe për pak, si dhe plazhet që do kenë një kornizë sigurie,” tha Kryeministri Edi Rama në fund pa sqaruar shqiptarët nëse do të duhet ta konsiderojnë edhe më tej Babë.