Shqiptarët: Gjakova nuk harron! Serbët anulojnë vizitën…
Pelegrinët serbë anuluan sot vizitën e Kishës Ortodokse në Gjakovë. Këtë e ka konfirmuar komandanti i Policisë së Kosovës për rajonin e Gjakovës, Kristë Gjokaj ndërsa Përfaqësuesi i serbëve, krimineli Gjokica Stanojeviç, anulimin e ka arsyetuar me faktin se ishin informuar se do të ketë tubime problematike.
Komandanti i Policisë së Kosovës për rajonin e Gjakovës, Kristë Gjokaj, për RFE është shprehur se nuk kanë marrë asnjë njoftim zyrtar për ndonjë vizitë të pelegrinëve serbë ndërkohë ka konfirmuar protestën e dhjetëra qytetarëve të Gjakovës që kishin dalë të protestojnë afër kishës, dhe tashmë janë shpërndarë të qetë.
“Nuk ka pasur asnjë kërkesë nga pelegrinët serbë që sot të vizitojnë Gjakovën. Përderisa nuk ka pasur ndonjë paralajmërim, nuk mund të presim që do të vijnë. Ndërkohë, një grup prej 30 qytetarëve kanë protestuar afër Kishës Ortodokse,” tha Gjokaj.
Ndërkohë përfaqësuesi i Shoqatës së Personave të Zhvendosur nga Gjakova, Gjokica Stanojeviç, tha për RFE se qytetarët serbë të zhvendosur nga Gjakova, kanë anuluar vizitën e tyre, pasi janë informuar se do të kishte “tubime problematike” afër kishës.
“Për arsye që ta përmbushim këtë ditë të paqes, ne hoqëm dorë edhe pse një numër i madh ishim të gatshëm të nisemi,” tha Stanojeviç.
Krimineli i luftë Gjokica Stanojeviç dhe udhëheqësi i vrasjeve të shqiptarëve në Gjakovë, Gjokica Stanojeviç, ka fajësuar udhëheqësit e dialogut Kosovë-Serbi pse qytetarët serbë të zhvendosur nga Gjakova, nuk mund të vizitojnë vendet e tyre të shenjta duke shpërfillur krimet makabre që serbët e Gjakovës i kanë bërë pothuajse në çdo familje gjakovare.
Gjithsesi, mesazhi i shqiptarëve edhe sot nga protesta para Kishës Ortodokse ishte i qartë: Gjakova nuk harron!
Ndryshe, natën e Krishtlindjes Ortodokse Serbe, më 6 janar, çdo vit qytetarë serbë kanë vizituar Kishën Ortodokse në Gjakovë përkundër protestave shqiptare dhe dështimit të shumë vizitave të këtyre kriminelëve, në qytetin me numrin më të madh të shqiptarve të ekzekutuar nga fqinjët e tyre.
