Shqiptarët janë në këmbë, Berisha: Pas aferës së Durrësit fshihet Rama dhe Lulzim Brava!
Duke falënderuar qytetarët fisnikë të Tiranës dhe mbarë Shqipërisë për pjesëmarrjen në protestën e madhe kombëtare të 12 Nëntorit, Kryetari i Partisë Demokratike, Sali Berisha, tha se ata u dërguan shqiptarëve kudo që janë mesazhin e shpresës, mesazhin e besimit, mesazhin e fitores, se shqiptarët janë në këmbë dhe nuk do ndalen deri në përmbysjen e sistemit monist ndërsa i bëri thirrje ndërkombëtarëve t’i mbështesin në betejën e tyre.
Ndërkohë sot Kryetari i PD duke denoncuar Edi Ramën dhe Lulzim Bravën si aksionerë të 60 për qind të projektit të Portit të ri të Durrësit, paralajmëroi se shumë shpejtë do publikohen dokumentat false për vjedhjen më të tmerrshme në histori, në Durrësin e Shqipërisë.
“Përshëndetje të përzemërta, mirënjohjen më të pakufishme për ata qindra-mijëra, burra, gra, djem dhe vajza, nga Tirana, por edhe të katër anët e Shqipërisë, nga emigracioni dhe diaspora, që me praninë e tyre në protestën më madhështore, më të fuqishme që ka njohur Tirana në tërë historinë e saj, firmosën aktin e kthesës së madhe, të popullit opozitar, inauguruan fillimin e një beteje, e cila nuk ndalet më gjer në përmbysjen e sistemit monist, gjersa shqiptarët të votojnë të lirë, njëlloj si qytetarët evropiane. Gjersa shqiptarët të mos vidhen në mënyrë të tmerrshme nga një qeveri që nuk ka as kigje dhe as moral. Gjersa shqiptarët të mos varfërohën dhe mjerohen nga muaji në muaj. Gjersa shqiptarët të mos mbeten populli i gomoneve siç i ka shndërruar Edi Rama.
Protesta e 12 nëntorit ishte zeniti i protesave, krahasuar me numrin e popullatës, e protestave në botë. Ajo dridhi themelet e një monizmi që bazohet në vjedhjen e votës, vjedhjen e fondeve publike, vjedhjen e pasurive publike nga Edi Rama. Bazohet në frikën, shantazhin, drogën dhe krimin. Ai ishte mesazhi më i shkëlqyer që qytetarët fisnikë të Tiranës dhe mbarë Shqipërisë, u dërguan shqiptarëve kudo që janë. Ata u dërguan atyre mesazhin e shpresës, mesazhin e besimit, mesazhin e fitores,” tha Sali Berisha duke fol për sinjale të forta që dërgoi protesta për kancelaritë e Europës dhe botës.
“Por njëkohësisht, protestuesit u dërguan kancelarive të Europës dhe botës, se krahas një narkoshteti të instaluar në Shqipëri, krahas një monizmi që bazohet në vjedhjen e votës nëpërmjet krimit, drogës dhe mashtrimit, ekziston një popull i tërë i ngritur në këmbë, për ta hedhur në Lanë, për të përmbytur këtë regjim,” ishte paralajmërimi i kryedmokratit pas proetstë së madhe kombëtare duke shtuar se sot është koha të përsërisim nga mëngjesi deri në darkë: vdekje monizmit.
“Në vitet ’90 ne u ngritëm së bashku me moton: vdekje komunizmit. Ne përmbysëm sistemin bazuar në këtë moto. Sot është koha të përsërisim nga mëngjesi deri në darkë: vdekje monizmit, të bazuar këtë herë në drogën, vjedhjen, krimin. Ky monizëm duhet të arkivohet një minutë e më parë. Ky monizëm po depersonalizon kombin si monizmi i parë. E ka bërë atë kombin e frikshëm, kombin e gomoneve. E ka bërë atë kombin më të varfër dhe nuk ishte i tillë,” tha Berisha duke bërë një denoncim të fortë me këtë rast se pas aferës së Durrësit fshihet Rama dhe Lulzim Brava.
“Ky monizëm nuk ka të ndalur, aferat e tmerrshme të Edi Ramës janë unike në botë. Pasi ka vjedhur 420 milionë euro me firmën e tij për ndërmarrjen e tij të djegësve, vërsulet i tërbuar për të vjedhur 1 milion metër katror tokë në një sipërmarrje, shumë shpejt do e njihni, me dokumente false. 60 për qind të aksionerëve janë Edi Rama dhe Lulzim Brava dhe mafiozët e tyre. Po organizojnë në Durrësin e Shqipërisë vjedhjen më të tmerrshme në histori.”
Në fund, Kryetari i Partisë Demokratike ngres alarmin se Edi Rama kërkon asgjësimin e pluralizmit, kërkon të marrë flamurin e PD-së:
“Ne do i dalim zot, ne nuk do pranojmë kurrë. Nuk do pajtohemi. Edi Rama është një armik i betuar i parlamentarizmit. Unë u them sot se nuk ka kryeministër në planet, as edhe Idi Amin që vriste ministrat e tij, diktator që mund të përdorë një fjalim të tillë kundër opozitës si Edi Rama. Së fundmi, Edi Rama kërkon asgjësimin e pluralizmit. Kërkon të marrë flamurin e PD-së dhe t’ua varë në qafë, vasalëve të tij, me qëllim që të hakmerret si bir dhe nip xhelati, për përmbysjen që kjo parti u bëri etërve të tij,” tha Kryetari i Partisë Demokratike, Sali Berisha, duke e bërë të qartë se shqiptarët janë në këmbë ndërsai bëri thirrje ndërkombëtarëve t’i mbështesin në betejën e tyre:
“Shqiptarët janë sot më në këmbë se kurrë. Protesta e 12 nëntorit faktoi se janë më në këmbë se kurrë. Ju njoftoj se shumë shpejt do njiheni me axhendën e protestave të tjera të fuqishme. Edhe njëherë thirrja ime për miqtë dhe partnerët është:
Mbështesni shqiptarët në betejën e tyre. Ne do fitojmë!”
