Shqiptarët nën ujë dhe çadra, Basha: Qeveria Rama në luks, si në Venezuelën e Maduros!

Ndërkohë që shqiptarët janë pa asnjë ndihmë përballë krizës ekonomike dhe shëndetësore, vendi është nën ujë, mijëra familje po kalojnë dimrin e dytë në çadra, reagon Kryetari i Partisë Demokratike, Lulzim Basha, duke sheksuar se ministrat e Ramës shtrohen për shtatë palë qejfe në restorantin më të shtrenjtë në Dubai.

“Po hanë te Nusreti, restoranti më i shtrenjtë i Dubait, ku vetëm bifteku kushton 100.000 lekë. Ndërkohë vendi është përmbytur nën ujë dhe njerëzit duan ndihmë. Venezuela e Maduros është kjo? Apo janë ministrat e Ramës? Njësoj janë të dy! Kjo është rruga që duam të ndjekë vendi ynë?” thekson Lulzim Basha në reagimin e tij përmes rrjetit social Facebook shoqëruar dhe me një video, duke shtuar se duhet ti japim fund arrogancës, t’i largojmë qeveritarët që kujdesen vetëm për vete ndërsa përfundon:

“Ka ardhur koha të ndryshojmë. Të kemi në krye të shtetit një njeri serioz që punon dhe kujdeset për njerëzit!”