Shqiptarët të fundit në Europë për aftësitë bazë për informacionin dixhital
Aftësi për të kërkuar, gjykuar dhe organizuar informacionin dixhital, “information and data literacy skills”, kanë 74.6 për qind e banorëve që jetojnë në qytetet e Shqipërisë, përqindje që bie në 69.7 për qind për ata që jetojnë në periferi dhe arrin në nivelin më të ulët, 62.2 për qind, për banorët e zonave rurale.
Diferenca prej mbi 12 pikë përqindje mes qytetit dhe fshatit tregon qartë hendekun urbanrural në aksesin dhe përdorimin e teknologjisë.
Sipas të dhënave të Eurostat për vitin 2023, mesatarja e BE-së për individët me të paktën aftësi bazë për informacionin dhe të dhënat arrin në 85.4 për qind në qytete, 80.4 për qind në periferi dhe 77.6 për qind në zona rurale. Në krahasim me nivelin e BE-së, vendi ynë ndodhet dukshëm nën mesataren në të treja kategoritë, ndërsa për vendet e rajonit nuk ka të dhëna. Europa
Në vitin 2023, 85.4 për qind e personave të moshës 16–74 vjeç që jetonin në qytetet e BE-së kishin të paktën aftësi bazë në përdorimin e informacionit dhe të dhënave. Ky nivel ishte pak më i ulët për ata që jetonin në qytete të vogla dhe periferi (80.4%) dhe në zona rurale 77.6 për qind .
Të dhënat tregojnë se në 22 vende të BE-së, përqindjet më të larta të personave me të paktën aftësi bazë për informacion, kuptimin dhe përdorimin e të dhënave janë regjistruar në qytete. Megjithatë, në 4 vende, përqindjet më të larta janë regjistruar për ata që jetojnë në qytete të vogla dhe periferi – në Danimarkë 95.9 për qind e popullsisë), Irlandë 94.4 për qind, Qipro 90.4 për qind dhe Belgjikë 89.4 për qind – ndërsa në rastin e Maltës, përqindja më e lartë është regjistruar në zonat rurale 91.6 për qind, me besueshmëri të ulët.
Ndër vendet e BE-së, Holanda ka regjistruar përqindjet më të larta të personave me të paktën aftësi bazë për informacion dhe lexim të të dhënave në të tre nivelet e urbanizimit: 97.7 për qind e banorëve të qyteteve, 97.4 për qind e atyre që jetojnë në qytete të vogla dhe 97.1 për qind në zona rurale.
Përveç Holandës, Finlanda 97.7 për qind dhe Danimarka 95.8 për qind kanë regjistruar gjithashtu
përqindjet më të larta të banorëve të qyteteve me të paktën aftësi bazë për informacion dhe lexim të të dhënave. Nivelet më të ulëta janë regjistruar në Gjermani 77.5 për qind, Bullgari 78.0 për qind dhe Itali 78.2 për qind.
Bullgaria 66.3 për qind, Rumania 71.7 për qind dhe Gjermania 72.5 për qind regjistruan përqindjet më të ulëta të personave me të paktën aftësi bazë për informacion, lexim, kuptimin dhe përdorimin e të dhënave dixhitale, jo vetëm në qytete të vogla dhe periferi, por edhe në zonat rurale, përkatësisht 57.7 për qind, 64.9 për qind dhe 71.2 për qind./Monitor/
Ndryshe, treguesi “information and data literacy skills” është një nën-dimension i Digital Skills Indicator, DSI, që mat aftësitë e individëve për të kërkuar, gjykuar dhe organizuar informacionin dixhital. Ai vlerësohet përmes aktiviteteve konkrete në internet apo software, ku kryerja e një aktiviteti tregon aftësi bazë, ndërsa më shumë aktivitete tregojnë aftësi mbi bazë. Ky tregues është pjesë e politikave digjitale të BE-së dhe ndihmon në monitorimin e objektivave për rritjen e aftësive digjitale të qytetarëve deri në
vitin 2025 dhe 2030./Monitor/
