Shtatorja e Skënderbeut në qendër të Ulqinit
Shtatorja e Gjergj Kastriotit Skënderbeut do të vendoset në rrethrrotullim, në qendër të qytetit, tek godina e Komunës së Ulqinit. Këtë lajm për Portalin Ul-info e konfirmoi kryetari i Komunës së Ulqinit, Loro Nrekiq, i cili shtoi se për këtë gjë u mor pëlqimi i Ministrisë së Kulturës.
Edhe bulevardi në të cilin gjendet rrethrrotullimi mban emrin e këtij heroi kombëtar shqiptar.
Ndryshe, ai në Ulqin kishte shtëpinë, të cilën pas vdekjes së tij në vitin 1468 e trashëguan kushërinjtë e tij.
Këtë vit festohet 550-vjetori i vdekjes së Skënderbeut.
