Shtet Non Grata, Serbia jep bursa për studentet që glorifikuan kriminelët e luftës
Shtetet e Bashkuara sanksionuan shefin e shërbimit sekret serb, Aleksandar Vulin, por si në vitin 1992, 1995, 1999 dhe 2023, e gjithë Serbia është NON GRATA! Këtë e konfirmon vendimi i sotëm i Fakultetit të Kriminalistikës në Sarajevë, i cili jo vetëm që nuk kërkon falje dhe nuk shpreh pendesë, por shpërblen ata që nxisin urrjetje në ditën e gjenocidit në Srebrenicë!
Studentet e Fakultetit Kriminalistikës, kriminologjisë dhe sigurisë pranë Universitetit në Sarajevë që kanë glorifikuar kriminelët e luftës dhe kanë përhapur urrejtje më 11 korrik në përvjetorin e gjenocidit në Srebrenicë, do të vazhdojnë studimet në kryeqytetin e Serbisë.
Këtë e bëri të ditur sot Drejtori i Përgjithshëm i kompanisë “Sarajevo-gas”, Nedelko Elek, duke shtuar se, me thirrjen e Drejtorit të Agjencisë Informative të Sigurisë, BIA, Aleksandar Vulin, dy studentet do të vazhdojnë studimin në Akademinë për Siguri Kombëtare në Beograd.
“Do jenë bursiste të shtetit të Serbisë dhe do t’ju garantohet strehimi në qytetin studenti, deri sa pjesën tjetër të shpenzimeve do ta mbulojë kompania Sarajevo- gas,” tha Nedelko Elek në një konferencë për media në Sarajevën lindore, raporton Agjencia serbe e lajmeve BETA.
Prokuroria e Bosnje Hercegovinës ka filluar hetimin e rastit kundër dy studenteve pas padisë së ministrisë së Brendshme të Kantonit Sarajevë, pasi që në rrjetin social Instagram, njëra prej studenteve në një bluzë me portretin e oficerit çetnik Mitar Maksimoviç ka ngritur tre gishta, derisa studentja e dytë ka publikuar fotografinë e komandantit të luftës të Ushtrisë së Republika Srpska, Ratko Mladiç, i dënuar për krime lufte në Bosnje Hercegovinë, ku shkruante “I dënuar për përjetësi. Ishte dhe do ngelet heroji ynë”.
Glorifikimi i kriminelëve të luftës, sipas Kodit Penal të Bosnje Hercegovinës është vepër penale.
Në Srebrenicë, më 11 korrik u shënua 28 vjetori i gjenocidit ku u bë varrimi edhe i 30 viktimave të identifikuara.
Ndryshe, ushtria serbe ka vrarë në Srebrenicë 8.372 djemë dhe vajza joserbe, dhe aktualisht në Qendrën Memoriale Potoçari prehen 6.751 trupa të pajetë të gjenocidit serb. Identifikimi i trupave të tjerë vazhdon por kemi të bëjmë me trupa që janë gjetur në disa varreza masive ku forcat serbe janë munduar ta fshehin krimin, me të cilin sot, fatkeqësisht, krenohet i gjithë kombi serb!
11 Korriku, në Federatën e Bosnje Hercegovinës është Ditë Zie nëse nuk je serbë.
