Shtet për faqe të zezë/ Letra, Rama i përgjigjet Metës: Ja zgjidhja për Lleshin…
Pas publikimit të letrës së Presidentit Ilir Meta që ja drejtonte Ministres së Mbrojtjes, Olta Xhaçka, për Sandër Leshin, kryeministri Edi Rama reagon përmes një postim në rrjetin social Twitter, duke publikuar shkresën lidhur me pyetjet e tij dhe një kërkesë të gjeneral Sandër Lleshit për Presidentin, e cila, sipas tij, shterron këtë vorbull të panevojshme.
“Duke qenë se Presidenti ka publikuar shkresën me pyetjen e tij të ndarë në plot 14 pyetje, ja edhe shkresa ime lidhur me pyetjen e Tij. Kjo ka bashkëlidhur një kërkesë të gjeneral Sandër Lleshit për
Presidentin, e cila e shterron fare këtë vorbull të panevojshme. Lexim të mbarë.”
Për të vazhduar edhe me postimin e dytë:
“Ja edhe kërkesa e zv.ministrit të brendshëm, Sandër Lleshi, për Presidentin e Republikës. Tani Presidenti është i lirë të zgjedhë intepretimin që do dhe në njërën rrugë a tjetrën, ta mbyllë procesin me dekretimin e ministrit të brendshëm, siç i’a kërkon Kushtetuta e Shqipërisë.”
Kjo që kryeministri Edi Rama e quan “vorbull të panevojshme” dhe atë që Presidenti i Republikës e quante “mosbinje” duke refuzuar Ministrin e Brendshëm, Sandër Lleshi dëshmon se pse ky shtet është në këtë gjendje, pavarësisht nëse tepsinë e ka Rilindja ose atë e ndanë me LSI-në. Thjeshtë liderët e tyre janë mësuar të qeverisin vetëm në paligjshmëri.
