Shtet rrumpallë/ Kur qeverisin Edi Rama me Ilir Metën: 25 bashki njohin Dekretin e Presidentit, 36 Rezolutën e Kryeministrit

Nuk ka se si të jetë shteti ndryshe kur qeveriset nga Edi Rama dhe Ilir Meta: Shtet rrumpallë!

Presidenti i Republikës lëshon Dekretin për anulimin e datës së zgjedhjeve 30 Qershor, botohet në Fletoren Zyrtare dhe atij nuk i bindet Komisioni Qendror i Zgjedhjeve, KQZ, që është në vartësi të Presidentit sepse parapëlqen Rezolutën nga Kryeministri, që është dhe kryetar i partisë së shumicës së anëtarëve në KQZ.

Por jo e gjitha përfundon këtu!

Mirë Edi Rama nuk e pëlqen Ilir Metën dhe nuk ka kohë ta lecoj Kushtetutën, dhe Denar Biba i bindet por me ata që qeverisi në pushtetin lokal Rama dhe sot i ka kundërshtar politik, i bënë të qartë se do ti binden Dekretit të publikuar në Fletoren Zyrtare pavarësisht kërcënimeve të Bibës me shok qëngrejnë zërin përmes Zëdhënëses Drilon Hoxha!

Aktualisht, nga 61 bashki, janë 27 që nuk iu bashkuan paligjshmërisë së Edi Ramës i cili vazhdon dhe përsërit se zgjedhjet do të zhvillohen më 30 Qershor duke shfaq një shtet rrumpallë, i cili ka vetëm një shpresë të cilën më në fund e artikuloi qartë Kryetari i PD, Lulzim Basha, pavarësisht luftës politike që instaluan Rama dhe Meta:

Presidenti i Republikës nuk e zgjidhë krizën politike!

Këtë e konfirmoi dje Presidenti duke i kërkuar KQZ-së listën e deputetëve të Parlamentit të Shqipërisë, listë që sipas Kushtetutës dhe Kodit Zgjedhor, duhej të kërkohej 30 ditë pas dorëzimit të mandateve nga opozita për të verifikuar nëse janë plotësuar vendet vakante dhe jo kur të zihen Meta me Ramën. Pra, Parlamenti funksionon ose jo, dhe nuk ka të bëjë me PS-në ose LSI-në dhe as rrumpallhonen që këta janë mësuar të qeverisin që nga viti 1945!

Ndryshe, këta janë kryetarët e bashkive që i thanë jo paligjshmërisë së Edi Ramës dhe nuk iu nënshtruan kërcënimit të Denar Bibës:

Bashkia Shkodër, Voltana Ademi – PD

Bashkia Kukës, Bashkim Shehu – PD

Bashkia Tropojë, Besnik Dushaj – PD

Bashkia Vau i Dejës, Zef Hila – PD

Bashkia Lezhë, Fran Frrokaj – PD

Bashkia Selenicë, Përparim Shametaj – PD

Bashkia Dropull, Ahilea Deçka – PD

Bashkia Pogradec, Eduart Kapri – PD

Bashkia Vorë, Fiqiri Ismaili – PD

Bashkia Kamzë, Xhelal Mziu -PD

Bashkia Mat, Nezir Rizvani – PD

Bashkia Klos, Basir Çupa – PD

Bashkia Devoll, Bledjon Nallbati – PD

Bashkia Përmet, Niko Shupuli – PD

Bashkia Mallakastër, Agron Kapllanaj – PD

Bashkia, Skrapar, Nesim Spahiu – LSI

Bashkia Kuçovë, Selfo Kapllani – LSI

Bashkia Bulqizë, Melaim Damzi – LSI

Bashkia Përrenjas, Miranda Rira – LSI

Bashkia Gjirokastës, Zamira Rami – LSI

Bashkia Cërrik, Altin Toska – LSI

Bashkia Delvinë, Rigels Balili – LSI

Bashkia Berat, Petrit Sinaj – LSI

Bashkia Peqin, Saimir Hasalla – PDIU

Bashkia Rrogozhinë, Beqir Nuredini – PDIU