Shtetet e Quintit dënojnë vendimin e Kosovës për veriun

Duke dënuar vendimin e Qeverisë së Kosovës për hyrje në ndërtesat komunale në veri të Kosovës, Shtetet e Quintit ndjehen të shqetësuar nga vendimi i Serbisë për të ngritur nivelin e gatishmërisë së Forcave të saj të Armatosura në kufirin me Kosovën. 

“Ne dënojmë vendimin e Kosovës për të detyruar hyrjen në ndërtesat komunale në veri të Kosovës, pavarësisht thirrjes sonë për përmbajtje. Ne u bëjmë thirrje autoriteteve të Kosovës që menjëherë të tërhiqen dhe të de-përshkallëzohen dhe të koordinohen ngushtë me EULEX-in dhe KFOR-in. Dënojmë sulmet ndaj EULEX-it në Zveçan,” shprehen shtetet e Quintit, SHBA, Mbretëria e Bashkuara, Gjermania, Franca dhe Italia, ndërsa shprehen të shqetësuara pas vendimit të Presidentit të Serbisë:

“Jemi të shqetësuar nga vendimi i Serbisë për të ngritur nivelin e gatishmërisë së Forcave të saj të Armatosura në kufirin me Kosovën dhe u bëjmë thirrje të gjitha palëve për përmbajtje maksimale, duke shmangur retorikën nxitëse.”

Ndryshe, sot kryetarët e komunave në veri të Kosovës, Zveçan, Zubin Potok dhe Leposaviç, me asistimin e Policisë së Kosovës u vendosën në zyrat e tyre në objektet komunale.