Shteti dhe karagjozët, ja si e trajtojnë Shefat e deleve Kushtetutën!

Kryetari i PSD, Paskal Milo ditë më parë tha se socialistët janë si dele, “vihen në rresht dhe shkojnë të votojnë” duke e përforcuar idenë se “ata janë provuar që janë dele”.

Sot, postulatin e Paskal Milos e vulosën Presidenti i Republikës, Ilir Meta dhe Kryeministri Edi Rama.

Pavarësisht aktit historik të Presidentit dhe arsyetimeve juridike që parashtroi Ilir Meta, askush nuk është i bindur se kemi të bëjmë me parime, aq më shumë me mision të ruajtjes së vlerave demokratike edhe pse veprimi është plotësisht kushtetues.

Që nuk kemi të bëjmë me një gardian të Kushtetutës e konfirmoi ai vetë me sjelljen që bëri pas firmosjes së Dekretit.

Përveç se një akt i turpshëm kur vjen pas një momenti historik, inatin që ka me Edi Ramën ai nuk mund ta nxjerr dot nga Presidenca duke përshëndetur me simbolin e shqiponjës; Jo pse Edi Rama nuk e meriton të tallet njeri me të aq më shumë që drejton një qeveri komike, por Dekretit nuk i duhen simbolika dhe është më shumë se sa një akt shtetëror.

Por, edhe Ilir Meta është socialist dhe nuk ka se si sillet ndryshe ndaj institucioneve. Kjo është dhe sëmundja që kanë socialistët, respekt zero ndaj institucioneve!

Nga ana tjetër kemi partinë kriminale që po kthehet në identitet edhe pse në fillimet e demokracisë tha se kishte trashëguar vetëm emrin. Që Byroja Politike e kësaj partie është po aq kriminale sa ajo e vitit 1945 e konfirmoi sot sjellja që ata i bënë Institucionit të Presidentit. Duke nisur një procedurë të pakuptimtë ndonëse nuk ka Gjykatë Kushtetuese, në deklaratën pas Kryesisë, për PS ai është Meta, as Presidenti e aq më pak i Republikës.

Vërtetë kemi të bëjmë me një lidership delesh por mënyra se si e trajtojnë jo vetëm Presidentin por edhe shtetin dhe ligjin, është e frikshme. Pas Dekretit të Presidentit për anulimin e datës 30 Qershor, Edi Rama mbledhë Kryesinë e PS, merret vendimi, i shpërndahet me sms meidave në shërbim se do të fillojnë procedurat për shkarkimin e Presidentit dhe fillon sfumimi i lajmit të sapodal nga Presidenca për Dekretin.

Pa pritur bëhet lajm kryesor, dhe Kryeministri Edi Rama së bashku me të birin e tij ideologjik dhe bashkëautorin e shkatërrimit të qytetit të Tiranës, Erion Veliaj, dalin të buzqeshur nga mbledhja thuajse u zgjidh kriza politike që vetëm këta të dy e krijuan, duke e lënë sqarimin për dele në duart e Elisa Spiropalit.

E meqë delet janë të bindur se do të votojnë më 30 Qershor edhe pas Dekretit të Presidentit , ata e kanë parasysh se lideri i tyre është “nona” për të shkelur ligjin dhe filluan ahengun pas vendimit për fillimin e procedurave për shkarkimin e Presidentit.

Kështu, Presidenti i Republikës Ilir Meta firmos Dekreton bënë shqiponjën dhe largohet nga skenca për ti lënë vend aktit të dytë për delet, ku Kryeministri Edi Rama i buzëqeshur del nga selian e PS me vendimin në xhepin e Spiropalit se do të filloj procedura e shkarkimit të Presidentit edhe pse Kushtetuta shprehet qartë në Nenin 90 Pika 3: “Vendimi i Kuvendit i dërgohet Gjykatës Kushtetuese, e cila, kur vërteton fajësinë e Presidentit të Republikës, deklaron shkarkimin e tij nga detyra.”

Dhe jo vetëm kaq! Zëdhënësja e Qeverisë, Elisa Spiropali shfaqjen e saj e mbyll me mesazhin për delet:

“Më 30 Qershor do të ketë zgjedhje!”