Shteti e “mbylli” protestën/ Denoncimi, Studenti: Protesta nuk ka mbaruar, sot në orën 17:00 ju bëjë thirrje të na bashkoheni…

“Në një moment që unë ndodhesha në studion e OraNews, këtu kishin ardhur disa persona që flisnin në emër të studentëve dhe thoshin që protesta ka mbaruar. Unë do të vijoj protestën. Sot në orën 17:00 i bëj thirrje të vinë të na bashkohen. O do shuhen këta, o do shuhemi ne!” Kështu u shpreh studenti që sot është simbol i protestave para kryeministrisë ndërsa rrëfeu se si mbrëmë 4 studentë janë marrë nga policia, dy prej të cilëve janë dhunuar

Studenti: Dje në mbrëmje ka ndodhur ajo që pritej prej shumë ditësh, policia ka marrë 4 protestues, ku dy prej tyre janë dhunuar. Një gazetar që ndodhej këtu tek ne ju sekuestrua telefoni dhe ju fshinë videot.
Në një moment që un ndodhesha në studion e OraNews, këtu kishin ardhur disa persona që flisnin në emër të studentëve dhe thoshin që protesta ka mbaruar. Unë do të vijoj protestën. Sot në orën 17 i bëj thirrje të vinë të na bashkohen. O do shuhen këta, o do shuhemi ne. Ne do të qëndrojmë deri në plotësimin e kërkesave. Kush do të shkojë të bëjë pushim le të shkojë.”

Ndërsa një grup tjetër studentësh tha se protesta do të mbyllet për momentin, por nuk do të mbyllet kauza e tyre:

Studenti: Një pjesë e mirë e studentëve janë të lodhuar nga një protestë e gjatë, një pjesë i janë drejtuar familjeve, kështu që ne kemi vendosur ta mbyllim për momentin, por jo të mbyllim kauzën. Kauza është për gjitë studentët dhe për gjithë qytetarët.”

Ndryshe, ditë më parë në rrjetet sociale ka qarkulluar një njoftim se Studentët në Shqipëri do të përmbyllin të premten protestat e tyre për vitin 2018, për t’i vazhduar ato në janar të vitit të ardhshëm. Ky vendim, theksohej se vjen meqë nga e hëna hapet zyrtarisht pushimi i festave të fundvitit në të gjitha Universitetet e Shqipërisë por studentët u zotuan që do t’i vazhdojnë këto protesta deri në plotësimin e 8 kërkesave të tyre drejtuar kryeministrit Edi Rama. Por qëndrimi i këtij studenti që sot është edhe simboli i rezitencës ndaj Edi Ramës para kryeministrisë ndryshon gjithçka. Pra, protestat nuk kanë mbaruar…