Shteti Islamik merr përgjegjësinë për sulmin në Melburn

Grupi militant Shteti Islamik, ISIS tha se një prej pjesëtarëve të tij ka kryer një sulm me thikë sot në Melburn të Australisë, ku një person u vra dhe dy u plagosën, raporton RFE.

Shteti Islamik e pranoi përgjegjësinë në ueb-faqen e tij Amaq, por nuk dha prova për pretendimet e tij.

Komisionari i policisë australiane, Graham Ashton, tha se i dyshuari, me prejardhje nga Somalia, ka qenë i njohur për policinë dhe se incidenti po trajtohet si terrorizëm.

Policia tha se ai ka sulmuar tre kalimtarë me thikë, pasi ka dalë nga një kamion, i cili më pas është përfshirë nga flakët.

Ai po ashtu bëri përpjekje të sulmojë oficerët e policisë, që arritën në vendin e ngjarjes, përpara se të qëllohej nga ta.

I dyshuari vdiq më pas në spital