Shteti privat i Ramës/ Basha: Me Safet Gjicin, Edi Rama po dhunon studentët!

Kryetari i Partisë Demokratike, Lulzim Basha, duke dënuar dhunën e ushtruar ndaj studentëve i ka bërë thirrje policisë që të largohet nga fakultet pasi është në shkelje të plotë të ligjit.

“Polica nuk ka të drejtë të hyjë në universitet, përveç se në raste emergjente. Është një shkelje flagrantë e lirisë për të protestuar, por në shkelje të ligjit Edi Rama po përdor dhunë policore të kombinuar me policinë e Safet Gjicit. Sot shteti është shteti privat i Ramës,” tha Luzlim Basha duke dënuar dhunën ndaj studentëve ndërsa paralajmëroi policët dhe vetë Edi Ramën:

“Dua të dënoj në mënyrë të prerë këtë dhunë që po ushtrohet ndaj studentëve dhe dua ti paralajmëroj të gjithë që nga polici më i thjeshtë deri tek ministri Lleshaj dhe Rama vetë për dhunën që po ushtron për pushimin e hapësirës. Pasi ka parë se falë protestës së studentëve, i është shkatërruar edhe mekanizmi i fundit, i propagandës, që iu bë çorbë, ka nisur pushtimin e hapësirës mediatike. Një akt marrëzie i një njeriu të rrezikshëm.”