Shteti serb bashkëpunon me krimin! Pse Vuçiç po shantazhon Stoltenbergun?!

Askush nuk e kishte menduar se pas vendimit të Gjykatës së Apelit në Bosnje Hercegovinë, që të lë në fuqi vendimin e shkallës së parë të 26 shkurtit, me të cilin Presidenti i Republik Srpska, Milorad Dodik, është dënuar me një vit burgim dhe ndalim prej gjashtë vjetësh për ushtrimin e funksioneve politike, Presidenti i Serbisë Aleksandar Vuçiç, do t’i bindet drejtësisë ndërkombëtare dhe në rast të shkeljes në tokën serbe ai do ta arrestoj dhe do ta dorëzoj tek autoritetet boshnjake!

Por, gjithashtu, askush nuk e ka menduar se për situatën e krijuar në Serbi, ku fajtor ekskluziv është vetëm presidenti i saj Vuçiç, nga ky i fundit do të fajësohet Perëndimi, madje do të shantazhohet Ish-Sekretari i Përgjithshëm i NATO-s, Jens Stoltenberg për të cilin tha se ka dëshmi!

Që Serbia ka spiunë në NATO nuk është diçka e re, i kishte si gjatë luftërave në Kroaci e Bosnje, ashtu dhe Kosovë. Janë zbuluar histori të rrjedhjeve të informacioneve me telefax dhe email, por, që të shkoj deri aty sa Presidenti i Serbisë të akuzoi edhe Ish-Sekretarin e Përgjithshëm të NATO-s për situatën në Serbi, duke deklaruar se ka dëshmi, kjo nuk ka ndodhur!

Por, ja që Aleksandar Vuçiçit tashmë situata i ka dalë jashtë kontrollit me studentët që po protestojnë nga 2 Nëntori 2024, Veriun e Kosovës nuk e ka më nën kontroll dhe kriminelët e tij nuk i ka më në këtë terren, ndërsa krimineli Milorad Dodik i ka ngelur në derë, atij nuk i ka mbetur asgjë më përveç se të bëjë teatër.

Me Presidentin e SHBA nuk e bënë dot, me atë Rusisë jo se jo, kancelaren Merkel nuk e ka më në krye të qeverisë gjermane që të tallet me të, dhe, dje, pas seancave të Këshillit të Sigurisë Kombëtare, doli para publikut për ti thënë, siç tha, diçka që nuk u kishte thënë as bashkëpunëtorëve të tij.

“Besojeni ose jo, nuk ua thashë asnjërit prej bashkëpunëtorëve të mi këtë,” tha Vuçiç duke paraqitur zbulimet e tij rreth ideve të të huajve rreth Bosnje Hercegovinës dhe Serbisë, dhe se qëllimi i tyre është që Ish-Sekretari i Përgjithshëm i NATO-s, Jens Stoltenberg, të luajë një rol të rëndësishëm në atë plan.

“Kemi prova për këtë. Por kjo nuk është e mjaftueshme për ta, duhet të ketë dikush tjetër si Picula ose një nga parlamentarët në mënyrë që ata të kenë një lidhje të drejtpërdrejtë me Parlamentin Evropian dhe se ky do të jetë fundi përfundimtar si i Srpskas ashtu edhe i Serbisë,” tha Vuçiç duke saktësuar edhe idetë e të huajve pasi përdhosi Raportuesin e PE për Serbinë, Tonin Picula:

“Ne do të organizojmë disa zgjedhje, do të emërojmë disa nga tanët për të ardhur atje, pastaj do ta shfuqizojmë Schmidtin dhe pastaj do të themi: Shikoni, kur të mos ketë Dodik, nuk ka nevojë për Schmidt!”

Deri këtu, pavarësisht se ideja del nga një kokë e sëmurë kriminale si ajo e Aleksandar Vuçiçit, rrëfimi mund të jetë i besueshëm edhe për shoqërinë e kriminale serbe, por, ai vazhdon tutje, ofendon edhe qytetarët serbë të cilëve ju drejtohet duke folur për agjentë të ndryshëm që kanë rënë dakord tashmë:

“Dhe, Vuçiç është gati të flasë për këtë dhe se ata janë kryesisht të lidhur me agjencitë perëndimore të inteligjencës, për të sjellë dhe propozuar Stoltenberg si një Gonzalez të ardhshëm!”

Mediat serbe filluan në mënyrën e vetë të flasin jo për miun e famshëm Gonzales nga filmat e animuar, por, për Ish-Sekretarin e Përgjithshëm të NATO-s, Jens Stoltenberg, kush është dhe cili nivel i spiunazhit mund të jetë, por, për dallim nga mediat tjera, e përditshmja serbe “Danas” që Aleksandar Vuçiç ende nuk e ka nën kontroll, ka një kënvështrim ndryshe për Stoltenbergun i cili vizitën e fundit zyrtare në Beograd e kishte në vitin 2023, por lidhja e tij me Serbinë daton shumë kohë parë.

Kush është Jens Stoltenberg?
Ky Ish-kryeministër i Norvegjisë dhe Sekretar i Përgjithshëm i NATO-s kaloi disa vite të fëmijërisë së tij në Beograd.

Babai i Jens, Torvald, ishte Sekretari i parë i Ambasadës norvegjeze nga viti 1960, dhe vetë Jens Stoltenberg jetoi në Beograd nga viti 1962 deri në vitin 1965.

Mediat norvegjeze raportuan se familja e Stoltenbergut u përball me vuajtje dhe krizë të rënda kur motra e tij më e vogël Nini ndërroi jetë ndërsa po shërohej nga varësia nga heroina.

Jens Stoltenberg mori rolin e drejtuesit të Konferencës së Sigurisë së Munichut, MBC, këtë vit.

Ai ishte kreu i NATO-s nga viti 2014 deri në vitin 2024 dhe është një diplomat i shquar me përvojë të pasur ndërkombëtare dhe vendase në fushat e sigurisë, mbrojtjes, klimës, energjisë dhe ekonomisë. Ai është një avokat i fortë i bashkëpunimit global dhe transatlantik, thuhet në biografinë e tij në faqen e Forumit Ekonomik Botëror.

Gjatë mandatit të tij, ai udhëhoqi forcimin më të madh të mbrojtjes së NATO-s që nga Lufta e Ftohtë, me më shumë forca, rritje të shpenzimeve për mbrojtjen dhe katër raunde zgjerimi të Aleancës.

U angazhua për një ndarje më të barabartë të barrës midis anëtarëve dhe një bashkëpunim më të thellë brenda Bashkimit Evropian.

Nga viti 2013 deri në vitin 2014, ai shërbeu si i Dërguari Special i Kombeve të Bashkuara për Ndryshimet Klimatike, ku si bashkëkryetar i Komisionit të Lartë të OKB-së për Financat e Klimës, ai kontribuoi në përgatitjen e Marrëveshjes së Parisit.

Ai ishte Kryeministër i Norvegjisë nga viti 2005 deri në vitin 2013 dhe nga viti 2000 deri në vitin 2001, kur zbatoi reformat e Forcave të Armatosura Norvegjeze dhe formësoi politikën e industrisë së naftës dhe gazit të vendit.

Nga viti 2002 deri në vitin 2014, ai ishte udhëheqës i Partisë së Punës Norvegjeze. Ai mbajti postet e Ministrit të Financave 1996–1997, dhe, Ministrit të Industrisë dhe Energjisë 1993–1996, dhe ishte anëtar i Parlamentit Norvegjez nga viti 1991 deri në vitin 2014.

Ai lindi në Oslo 66 vjet më parë. Ai është matematikan me profesion, ka një diplomë masteri në ekonomi nga Universiteti i Oslos dhe është fitues i Medaljes së Lirisë së Shteteve të Bashkuara të Amerikës dhe Urdhrit të Meritës së Republikës Federale të Gjermanisë.

Në një rast, kur e pyetën se çfarë libri do të merrte me vete në një ishull të braktisur, ai tha – një manual statistikor.

Ai është i martuar që nga viti 1987 me diplomaten norvegjeze Ingrid Schulerudsa, me të cilën ka një vajzë dhe një djalë.

Kjo është biografia e drejtuesit aktual të Konferencës së Sigurisë së Munichut, Jens Stoltenberg, të cilën “Danas” e bënë publike, ku nuk figuron asgjë nga ato që thotë “vëllai” i Edi Ramës dhe Presidenti aktual i Serbisë, Aleksandar Vuçiç, i cili ndryshe nga Rama, gjithmonë ka refuzuar të marrë rolin e liderit global, por, atë të shantazhuesit global e kishte që nga koha kur ishte në Partinë Radikale Serbe dhe në krah të kriminelit serb, Vojislav Sheshel!

A do ta shantazhoj edhe NATO-n dhe Ish-Sekretarin e Përgjithshëm të Aleancës për qëllimet e tij, këtë më së miri e dinë Ish-Kancelarja e Gjermanisë, Angela Merkel, e cila deri sa ishte në shërbim i hapte telefonin këtij krimineli edhe në 03:00 të mëngejsit për të zgjidhur problemet e bandës së Radoiçiçit në Veri të Kosovës; Probleme që pushuan së ekzistuari pas ardhjes së Albin Kurtit në krye të qeverisë si për kancelarin gjerman ashtu dhe Kosovën, pa pasur nevojë për telefonata!

A ka dëshmi për Jens Stoltenbergun, Presidenti i Serbisë, Aleksandar Vuçiç, këtë vetëm Stoltenberg e dinë!

Pse po heshtë Ish-Sekretari i Përgjithshëm i NATO-s edhe pas kësaj deklarate, sërish vetëm ai e dinë!

Pse po fletë vetëm Aleksandar Vuçiç, kjo është shumë e thjeshtë: Nga gjithë kjo lukuni ndërkombëtare që i lejuan Serbisë të vazhdoj me krime kundër njerëzimit edhe pas Masakrës së Srebrenicës, sot vetëm Jens Stoltenberg nuk duhet të heshtë, të paktën sa i përket shantazhit të fundit i cili doli nga laboratori serb pas Këshillit të Sigurisë Kombëtare në Beograd!

A ka vertetë dëshmi Aleksandar Vuçiç?! As kjo nuk mund të përjashtohet për derisa urdhrat në kabinetin e tij vazhdon t’i jap Alex Soros! Por, sa vlejnë në momentin kur President i SHBA është Donald Trump?!

Ky është ekuacion që nuk ka më të panjohura për politikën e vetme shantazhuese që dinë të luajnë, Alexi, Vuçiç dhe “vëllai” i tij Rama!