Shtyhet seanca për masën e sigurisë për Ilir Metën, GJKKO: Të dyshuarit të njihen me aktet

Gjykata e Posaçme për Korrupsionin dhe Krimin e Organizuar, GJKKO, ka shtyrë seancën për caktimin e masës së sigurisë për Presidentin e Partisë së Lirisë, Ilir Meta, duke i lënë kohë të dyshuarit Meta deri në orën 13:30 të njihet me aktet!

Pjesë e kësaj seance për caktimin e masësë së sigurisë nga GJKKO ishin dhe tre personat tjera nën hetim, ish-bashkëshortja e Metës, deputetja Monika Kryemadhi, Piro Xhixho dhe Ema Çoku.

Ndryshe, Prokuroria e Posaçme kundër Korrupsionit dhe Krimit të Organizuar dje ka paraqitur pranë Gjykatës kërkesën me objekt: ‘Marrjen në pyetje dhe  verifikimin e kushteve të zbatimit të masës së sigurimit për personat nën hetim Ilir Meta, Monika Kryemadhi, Piro Xhixho dhe Ema Çoku, dhe sot në 9:30 u mbajt seanca e parë ku ishte i pranishëm dhe kreu i SPAK-ut, Altin Dumani, përveç prokurorëve Sotir Kllapi dhe Arben Kraja.