Shtyhet sërish seanca, Qeverinë nuk e ndihmon as Teuta Rugova…

Seanca e jashtëzakonshme e Parlamentit të Kosovës e thirrur nga partitë e koalicionit qeverisës për sot në orën 14, është shtyrë sërish për në orën 16:00, raporton KTV.

Në këtë seancë pritet që të miratohen emrat e ekipit negociator për bisedimet me Serbinë, ekip të cilit i prin Fatmir Limaj i Nismës.

Këtë seancë e kanë bojkotuar gjatë ditës së djeshme partitë opozitare, LDK, Vetëvendosje dhe PSD, por deputetja e LDK-së, Teuta Rugova, shpërfilli vendimin e partisë së saj dhe mori pjesë në seancë.

Por siç duket as kjo nuk e shpëtoi Qeverinë meqë ishte Aleksandar Vuçiç përkatëisht Lista Srpska ajo që tani po e bojkoton seancën, duke pamundësuar me numra mbarëvajtjen.