Shtyhet vizita e Erdoganit në Serbi. Arsye…

Vizita e Presidentit të Turqisë, Recep Tayyip Erdogan në Serbi, e paralajmëruar për 29 Gusht, është shtyrë.

“Presidenti turk nuk do të vijë në Serbi gjatë muajit gusht dhe shtator për shkak të harmonizimit të takimeve,” janë shprehur në Ambasadën e Turqisë në Beograd për Agjencinë serbe të lajmeve Tanjug ndonëse Erdogan pritej për inaugurimin e fillimit të punimeve të Auostradës Beograd-Sarajevë, e cila do të ndërtohet nga kompania turke “Tashjapi”.

Ndryshe, dy ditë më parë, Presidenti i Serbisë, Aleksandar Vuçiç, konfirmoi vizitën e Presidentit Erdogan por jo edhe datën e saktë, ndërsa i pyetur nëse presidenti turk do të merr pjesë në ceremoninë e inaugurimit të fillimit të punimeve në Autostradën Beograd-Sarajevë, ai ishte i prerë: “Do të ishte e logjikshme. Do të vijë, do të rregullohet kjo,” tha Vuçiç duke falënderuar Erdoganin që viziton Serbinë si dhe investitorët turk me shpresën se do të jenë shumë më shumë në të ardhmen.