Shuhet Adem Mikullovci

Shuhet aktori dhe patrioti i madh shqiptar, Adem Mikullovci. Lajmin e ka bërë të ditur bashkëshortja e të ndjerit, zonja Lumnije Mikullovci.

“Sonte pas mesnatës në ora 00:20 ndëroj jetë më i dashuri jonë Adem Mikullovci! Për informata tjera dhe ceremoninë e varrimit ju lajmërojmë.”

Adem Mikullovci ka lindur në vitin 1939 në Vushtrri, kurse përgjatë jetës së tij ka luajtur në shumë projekte filmike, teatër, komedi dhe shumë performanca të tjera artistike.

Patriotin e madh Adem Mikullovci shqiptarët do ta mbajnë mend kur si delegat i Kuvendit të Kosovës, shpalli Deklaratën Kushtetuese dhe të Pavarësisë më 2 Korrik 1990.

Adem Mikullovci në legjislaturën e kaluar ishte deputet i Lëvizjes Vetëvendosje në Parlamentin e Kosovës.

Sot, familja mbeti pa më të dashurin e tyre ndërsa arti dhe kombi shqiptar pa njeriun e rallë, Adem Mikullovci.

Ndërkohë zonja Lumnije bënë të ditur se homazhe mund të bëhen pranë Teatrit Kombëtar ndërsa varrimi i të ndjerit bëhet sot në ora 16:00.

Prehu në paqe o shqiptar i madh dhe i dashur për të gjithë, Adem Mikullovci.