Shuhet Chadwick Boseman

Shuhet Chadwick Boseman. Aktori i njohur amerikan ndërroi jetë në moshën 43 vjeçare pas përballjes me sëmundjen e kancerit.

Boseman ishte i njohur për rolet e tij si Jackie Robinson dhe James Brown, para se të arrijë një sukses të jashtëzakonshëm në karrierën e tij në rolin e Black Panther, si pjesë e filmave të kompanisë kinematografike Marvel.

Boseman ka ndërruar jetë në shtëpinë e tij në Los Anxhelos pranë familjes së tij. Boseman ishte diagnostikuar me kancer të zorrës së trashë, 4 vite më parë.

Aktorë, muzikantë, atletë e yje të Hollywoodit, raporton RFE, kanë shprehur dhimbjen për humbjen e Boseman përmes shumë postimeve në rrjete sociale.