Shuhet Çiro Blazheviç

Shuhet Çiro Blazheviç! Trajneri legjendar kroat, ish-drejtues i kombëtares së Kroacisë, Bosnje Hercegovinës , dhe ish-trajner i Prishtinës në vitin 1984 si pjesë e Ligës federative të Jugosllavisë, Miroslav Çiro Blazheviç ndërroi jetë mëngjesin e sotëm, pas një beteje të gjatë me kancerin; Vetëm një ditë para ditëlindjes së tij të 88-të.

Për herë të parë është diagnostifikuar me kancer të prostatës në vitin 2011, por Çiro luftoi me sëmundjen, një vit më pas u operua për shkak të melanomit në fazën fillestare. Sëmundja iu kthye në shtatorin e vitit 2019, por, fatkeqësisht tani Çiro nuk ia doli.

Dalja e tij e fundit publike ishte ajo e dhjetorit të vitit të kaluar kur në Zagreb mori çmimin “Vladimir Beara” për kontribut dhe zhvillimin e kulturës sportive dhe tolerancës shoqërore.

“Jeni mbledhur në numër të madh dhe më keni nderuar shumë. Por, kjo është dalja ime e fundit publike. Ky është fundi. S’ka më. Adio Çiro. Po numëroj ditët e fundit, jam i ndërgjegjshëm,” tha Çiro në këtë ceremoni.

Dhe vetëm tre ditë para se të shuhet, Çiro foli se si po i shkatërrohej organizmi. 

“Aq shumë jam i sëmurë, aq të vështirë e kam. Kjo sëmundje e shkërdhyer më ka pushtuar e tëra. Po vuaj. Kam dhimbje të mëdha, ja kështu…” tha Çiro në fjalët e tij të fundit shumë të ndjera duke fol 72 orë orë para se të ikte nga kjo botë ndërsa përfundoi: 

“Këmbët nuk më mbajnë, po shkoj në infuzion. Situata është e vështirë, të jem i sinqertë. Shumë, shumë e vështirë. Kanceri më ka vajtur në çdo kockë dhe në vendin më të rrezikshëm – mëlqi. Dhe po më shkatërron gjithçka, ngadalë dhe sigurt.”

Kush ishte Çiro Blazheviç?

Karriera si lojtar: Bratstvo Travnik, Dinamo, Lokomotiva, Sarajevo, Rijeka, Sion, Moutier.

Karriera si trajner: Vevey, Sion, Zvicra, Lausanne-Sport, Rijeka, Dinamo Zagreb, Grasshopper, Prishtina, Dinamo Zagreb, Nantes, PAOK, Croatia Zagreb, Kroacia, Irani, Osijeku, Dinamo Zagreb, Mura, Varteks, Hajduk, Neuchatel Xamax, Zagreb, Bosne Hercegovina, Shanghai Shenhua, Kina U-23, Mes Kerman, Zagreb, Sloboda Tuzla, Zadar.

Trofetë: Sion, Kupa e Zvicrës – 1974.

Dinamo
Kamiponati Jugosllavisë – 1982.
Kupa e Jugosllavisë – 1983.
Prva HNL: 1993., 2003.
Kupa e Kroacisë: 1994.
Superkupa e Kroacisë: 2002.

Grasshopper
Kamionati i Zvicrës: 1984.

Hajduk
Superkupa e Kroacisë: 2005.

Kombëtarja e Kroacisë:
Vendi i III-të në Kampioantin Botëror 1998.