Shuhet Colin Powell
Shuhet Colin Powell. Ish-Sekretari i Shtetit dhe Shefi i Shtabit të Përgjithshëm të Forcave të Armatosura të SHBA, Colin Powell, humbi betejën me koronavirusin në moshën 84 vjeçare ndonëse ishte i vaksinuar me dy dozat e vaksinës Anticovid.
“Gjenerali Colin L.Powell, Ish-Sekretar i Shtetit dhe Shef i Shtabit të Përgjithshëm, ka ndërruar jetë në mëngjes për të shkak të komplikimeve që u shkaktuan nga COVID-19,” bënë të ditur familja përmes rrjetit social Facebook.
“Humbëm burrin e jashtëzakonshëm, babin, gjyshin dhe Amerikanin e shkëlqyer,” thekson familja duke shtuar se ishte i vaksinuar me dy doza.
Powell ishte ushtar profesionist të cilin karriera nga detyra në Vietnam e solli deri te këshilltari i parë për siguri kombëtare i Presidentit Ronald Regan, dhe Shefit më të ri afroamerikan të Shtabit të Përgjithshëm të Forcave të Armatosura Amerikane me Presidentin George H.W. Bush.
Popullariteti i tij u rrit dukshëm gjatë Luftës së Gjirit, dhe nga mesi i viteve ’90 shumë prej tyre kanë vlerësuar se Colin Powell do të jetë dhe Presidenti i parë me ngjyrë i SHBA.
