Shuhet Diego Armando Maradona

Ditë e trishtë për botën e sportit, futbolli humb legjendën, Diego Armando Maradona.

Mediat botërore raportojnë se legjenda e futbollit pësoi arrest kardiak teksa ishte i shtruar me aparatura në shtëpinë e tij pas një operimi në tru.

Më 30 Tetor, Diego Armando Maradona festoi 60-vjetorin e lindjes. Ai lindi në Lanus të Buenos Aires, në një familje të varfër si djali i vetëm pas katër motrave. U rrit profesionalisht në Argjentinë tek Argentina Juniors dhe më pas bëri kalimin tek Boca Juniors, aty ku tifozët e shohin si ‘Zot’.

Në vitin 1982 Maradona kaloi tek Barcelona, Napoli, Sevilia dhe për t’u rikthyer më pas për ta mbyllur sërish tek ekipi i zemrës, Boca Juniors. Gjithashtu ai shkëlqeu në arenën ndërkombëtare me Argjentinën  që e drejtoi edhe si trajner.

Së fundmi ai ishte trajner i Gimnasia de la Plata, ekipi i fundit me të cilin do të kishte të bënte. ”Djaloshi i artë” nuk do të jetë më mes futbolldashësve duke lënë një thesar të paçmuar në fushë dhe përtej.