Shuhet ëndrra, Kosova pëson humbje në Shkup

Ëndrra e Kosovës EURO 2021 është shuar sonte me humbjen nga Maqedonia e Veriut me rezultat 2:1.

“Dardanët” në këtë sfidë të rëndësishme u futën pa lojtarët kryesor si Vedat Muriqin, Milot Rashicën e Amir Rrahmanin ndonëse ndeshja ishte e barabartë.

Skuadra maqedone shënojë dy gola në pjesën e parë përmes Kolollit (16’) autogol dhe Velkoski (33’), kurse, Florent Hadergjonaj (29’), realizoi golin e vetëm për ‘Dardanët’ në fraksionin e parë.

Në 45-minutëshin e dytë, futbollistët e skuadrës Kosovës, kishin iniciativë në terren, duke kërkuar golin e barazimit, por në asnjë mënyrë nuk ia dolën që të thyen mbrojtjen e maqedone, këta të fundit shpeshherë më kundërsulme rrezikuan portën tonë, madje, shënuan edhe dy gola, por që u anuluan për shkak të pozitës jashtëlojë.

Në fund të ndeshjes, Kosova farë lehtë ka mundur të gjejë golin e barazimit, por Aliti dështoi të shënojë gol nga pozita ideale.

Ndryshe, Maqedonia e Veriut dhe Kosova u përballen në Shkup, në ndeshjen gjysmëfinale të play-offit të Ligës së Kombeve. Të dielën e ardhshme, Kosova luan kundër Sllovenisë në stadiumin “Fadil Vokrri” në Prishtinë, kuadër të Ligës së Kombeve.

Ndërsa Maqedonia, në finalen e madhe të play-offit të Ligës së Kombeve do të përballet me Gjeorgjinë.