Shuhet George H.W Bush/ Shtëpia e Bardhë ul flamurin në gjysmë shtizë

Pas humbjes së madhe të famlijes Bush, popullit amerikan dhe atij shqiptar, dhe jo vetëm, Presidenti i SHBA  Donald Trump ka shprehur ngushëllimet e tij për vdekjen e Presidentit të 41 të Shteteve të Bashkuara të Amerikës, George H.W Bush, dhe duke bërë të ditur se Shtëpia e Bardhë do të ul flamurin amerikan në gjysmë shtizë shtoi:

“Melania dhe unë i bashkohemi kombit që po vuan sot humbjen e Ish-Presidentit. Me një origjinalitet thelbësor, dhe devotshmëri për vendin e familjen e tij, Presidenti Bush ka frymëzuar breza të tërë,” tha Trump.

Ish-presidenti amerikan Bill Klinton dhe ish-Sekretarja amerikane e Shtetit, Hillary Clinton i bënë homazhe George HW Bush.

Në një deklaratë, ata thanë: “Pak amerikanë kanë qenë, apo do të jenë ndonjëherë, në gjendje të arrijnë shërbimin rekord të Presidentit Bush ndaj Shteteve të Bashkuara.”