Shuhet Hajdar Kovaçi, Basha: Përfaqësues i PD dhe themelues i arkitekurës moderne në Durrës
Pas ndarjes para kohe të Ing. Hajdar Kovaçit i cili humbi jetën pas një beteje disa ditore me COVID-19, Kryetari i Partisë Demokratike, Lulzim Basha, duke shpreh ngushëllimet familjes, miqve dhe qytetarëve të Durrësit, tha se ai do mbahet mend si themelues i arkitekturës moderne dhe njëri nga aktivistët më të njohur të Partisë Demokratike në Durrës.
“Ai ka kandiduar për deputet nën siglën e PD në vitin 2001 dhe ka përfaqësuar për dy mandate qytetarët në Këshillin Bashkiak të Durrësit. Në të gjitha detyrat e tij ai shërbeu me integritet, dhe ishte model i qytetarit familjar, i intelektualit të angazhuar për interesat e komunitetit dhe i profesionistit të talentuar,” tha Kryetari i PD, Lulzim Basha, duke folur për Dar Kovaçin i cili do të mbetet përherë në kujtesën e kujtdo që pati fatin ta njohë dhe në mirënjohjen e të gjithë durrsakëve për të cilët dha aq shumë ndërsa përfundoi:
U prehtë në paqe!
Arkitekti Hajdar Kovaçi, mbrëmjen e së hënës humbi betejën e tij me COVID-19 në spitalin “Shefqet Ndroqi” në Tiranë, ku ishte shtruar prej 3 javësh.
Sot Hajdar Kovaçi si qytetar, demokrat dhe arkitekt i respektuar i qytetit të Durrësit u përcjell në banesën e fundit me duartroktije përgjatë gjithë Sheshit “Liria”.
Ja statusi plotë Kryetarit PD, Lulzim Basha:
Me hidhërim të thellë mësova lajmin e ndarjen para kohe të ing. Hajdar Kovaçit i cili humbi jetën pas një beteje disa ditore me koronavirusin në spital. Në emrin tim dhe në emër të Partisë Demokratike ju shpreh ngushëllimet më të ndjera bashkëshortës së tij znj. Magdalena, djalit të tij Admirit, të afërmve dhe miqve të shumtë të tij dhe mbarë qytetarëve të Durrësit.
Arkitekti Hajdar Kovaçi ky personalitet i respektuar dhe intelektual i nderuar gëzonte respekt të thellë nga kolegët, intelektualët dhe qytetarët.
Në vitin 1972 ai u emërua arkitekt në qytetin e Bajram Currit ku edhe sot bashkëkohësit e kujtojnë me nderim e respekt për punën e tij në ndërtimin e qytetit verior si për përgjegjësi të lartë profesionale, kulturë dhe intelekt.
Pjesën tjetër të jetës profesionale dhe familjare e vazhdoi në qytetin e Durrësit, për të cilin dha gjithçka, kontribut që iu shpërblye me mirënjohjen dhe vlerësimin e gjithë qytetarëve durrsakë.
Ai mbahet mend si themelues i arkitekturës moderne kur në fillim të viteve ’90 themeloi studion e parë arkitekturore në qytetin bregdetar. Hajdar Kovaçi është një nga aktivistët më të njohur të Partisë Demokratike në Durrës.
Ai ka kandiduar për deputet nën siglën e PD në vitin 2001 dhe ka përfaqësuar për dy mandate qytetarët në Këshillin Bashkiak të Durrësit.
Në të gjitha detyrat e tij ai shërbeu me integritet, dhe ishte model i qytetarit familjar, i intelektualit të angazhuar për interesat e komunitetit dhe i profesionistit të talentuar.
Dar Kovaçi do të mbetet përherë në kujtesën e kujtdo që pati fatin ta njohë dhe në mirënjohjen e të gjithë durrsakëve për të cilët dha aq shumë.
U prehtë në paqe!
