Shuhet Kaqusha Jashari

Shuhet Kaqusha Jahari! Lajmi për ndarjen e saj nga jeta mëngjesin e sotëm, në moshën 79-vjeçare, është bërë i ditur nga vajzat e saj, Nora dhe Teuta Jashari.

Themeluese e Partisë Socialdemokrate, ish-deputete e Parlamentit të Kosovës, Kaqusha Jashari ishte një ndër figurat e njohura të jetës politike në Kosovë.

Ceremonia e varrimit do të zhvillohet sot, më 6 maj 2025, në orën 13:00, në varrezat e qytetit në Prishtinë.

Ndryshe, Kaqusha Jashari, inxhiniere dhe politikane, dhe një nga gratë e para në udhëheqjen politike në Kosovë gjatë viteve ’80 u dallua për angazhimin e saj të vazhdueshëm në mbrojtjen e të drejtave të njeriut.