Shuhet Kirk Douglas

Shuhet aktori amerikan, Kirk Douglas, i cili luajti në filmin epik – Spartacus – dhe dhjetëra role të tjera. Njoftimin e bëri familja e tij.

“Me trishtim të jashtëzakonshëm, vëllezërit e mi dhe unë njoftojmë se Kirk Douglas na la sot në moshën 103 vjeçare,” tha djali i tij Michael, gjithashtu një yll i Hollivudit, raporton RFE.

“Për botën, ai ishte një legjendë, një aktor i filmave nga epoka e artë, të cilën ai e jetoi mirë. Një njeri humanitar, përkushtimi i të cilit në drejtësi, vendosi një standard që na inspiron të gjithë neve”, shtoi Douglas.

Në vitin 1996, Akademia e Arteve e nderoi aktorin Dauglas me një Çmim Oskar nderi.

Ai gjithashtu mori Medaljen Presidenciale të Lirisë dhe një çmim për arritje në jetë nga Instituti Amerikan i Filmit.