Shuhet Martti Ahtisaari

Shuhet Martti Oiva Kalevi Ahtisaari! Zyra e Presidentit të Republikës së Finlandës bënë të ditur se presidenti i dhjetë i Finlandës, ndërroi jetë sot në Helsinki.

Ahtisaari lindi në Vyborg, më 23 qershor 1937. Në vitet e fundit të jetës së tij vuante nga demenca, ndërroi jetë në moshën 86 vjeçare.

Martti Ahtisaari ishte i dërguar i posaçëm i Kombeve të Bashkuara për organizimin e negociatave për përcaktimin e statusit përfundimtar të Kosovës.

Duke u bazuar në Planin e tij, u shpall dhe pavarësia e Kosovës më 17 shkurt të vitit 2008.

Po këtë vit Martti Ahtisaari fitoi Çmimin Nobel për Paqe. Në arsyetimin e Komitetit Norvegjez të Nobelit thuhet se çmimi u nda për arritjet e tij në disa kontinente, për zgjidhjen e konflikteve ndërkombëtare.