Shuhet një nga liderët e Lëvizjes Studentore Dhjetori ’90, Myftar Gjana

nga Arben Muça

Sot u nda nga jeta Myftar Nuhi Gjana! Myftari lindi në Kukës më 10.05.1959. Ai ishte një nga Liderët më të shquar të Lëvizjes Studentore të Dhjetorit 1990 dhe ndryshimeve demokratike shqiptare.

Studenti liberator, themelues dhe drejtues i gazetës “Kosova” në vitet 1991-1992, dha një kontribut të jashtëzakonshëm për lirinë, demokracinë dhe integrimin perëndimor të Shqipërisë.

Myftar Gjana ishte një nga themeluesit e Partisë Demokratike dhe Degës së PD Kukës ku me kurajo e trimëri përballoi falangat e komunizmit dhe regjimit më të egër në Evropën lindore.

Presidenti i Republikës ka dekoruar njërin nga Liderët e Lëvizjes Studentore të Dhjetorit 1990, Myftar Gjana, me medaljen Pishtar i Demokracisë.

Stoik, antikomunist i bindur, liberator, publicist, shkrimtar dhe inxhinieri i talentuar la gjurmë të pashlyeshme në jetën publike shqiptare.

Largimi i Myftar Gjanës nga jeta është një humbje e madhe për shoqërinë, Lëvizjen Studentore ‘90, Partinë Demokratike, gazetarinë, publicistikën dhe botën shqiptare në tërësi.

Shumë gjurmë ka lënë pas Myftar Gjana dhe miqtë e tij zotohen se do ti bëjnë publike përmasat e mëdha të këtij antikomunisti liberator.

Lavdi rrugëtimit të Tij Historik.

Qofte i Parajsës!

Varrimi bëhet nesër më 24.12.2019, ora 13.00 në varrezat e Sharres. Nisja nga shtëpia, Rruga Foto Janku, Pallati 42 (gjatë Rr. Don Bosko).