Shuhet pas 7 orësh zjarri në Dhërmi, rrezikoi disa banesa dhe lokale

Pas rreth 7 orësh është neutralizuar zjarri masiv që përfshiu zonën e Dhërmiut mbrëmjen e së enjtes.

Vatra e zjarrit favorizohej nga era, çka e bënte të vështirë ndërhyrjen.

Shërbimi zjarrëfikës ndërhyri me tre automjete zjarrfikëse të stacionuara gjatë gjithë natës.

Rreth orës 05:00 të mëngjesit të sotëm flakët janë shuar. Zjarri rrezikoi banesat si dhe disa biznese aty pranë.