Shuhet Ramadan Musliu

Shuhet në moshën 66-vjeçare, shkrimtari dhe gazetari shqiptar, Ramadan Musliu.

Ramadan Musliu studioi Letërsi dhe gjuhën shqipe në Fakultetin Filologjik të Universiteti i Prishtinës ku mbaroi edhe studimet pasuniveristare.

Krijimtarinë letrare dhe publicitike e filloi herët. Gjatë viteve 1977-1980 ka punuar arsimtar i lëndës gjuhë dhe letërsi shqipe në Qendrën Shkollore “Kuvendi i Lezhës”.

Nga viti 1981-1993 ka punuar si gazetar i kulturës në gazetën e përditshme Rilindja si dhe ishte anëtar i redaksisë së Revistës së përdyjavshme për kulturë “Fjala” të Prishtinës.

Ramadan Musliu, ishte deputet i Parlamentit të Kosovës nga viti 2004 deri në vitin 2007.

Jeta dhe vepra e Ramadan Musliut:

1981-1993 Gazetar i kulturës në gazetën e përditshme Rilindja.

1993 – 2004 Redaktor kulture e pastaj edhe si drejtues i të përditshmes “Rilindja”, botimi i Tiranës. Gjatë kësaj periudhe drejtoi Shtepinë botuese “Eurorilindja”.

2003 – 2004 Drejtoi revistës letrare “Kalendari letrar”.

2004 – 2007 Deputet i Parlamentit të Kosovës.

2008 – 2010 Këshilltar politik i ministrit të Kulturës në Qeverinë e Kosovës.

Botoi pesë libra me studime dhe kritikë letrare:

1990 – “Mbindërtimi poetik”, Prishtinë;

1998 – “Konfiguracione narrative”, Tiranë;

2005 – “Estetikja e dallueshme”, Prishtinë;

2010 – “Ekskurs në letërsinë për fëmijë”, Shkup;

2012 – “Tangjenta letrare”, Prishtinë;

1997 – “Vetëripërtëritja e totalitarizmit”, Tiranë, libër publicistik

Autor i pesë librave me poezi:

1981 “Parodia e trupit”, Prishtinë;

1985 “Shqisa e gjashtë”, Prishtinë;

1987 “Pasqyra e të rrëfyerit”, Prishtinë,

1996 “Kënga e sibilave”, Tiranë,

2004 “Në zemrën e gjërave”, Prishtinë

Poezitë e tij janë përkthyer në anglisht, rumanisht, frëngjisht, serbisht, maqedonisht slllovenisht dhe është prezantuar në antologjinë e poezive ndërkombtare për vitin 2010 dhe është fitues i disa çmimeve letrare.