Shuhet Robert Badinter, njeriu që shpalli shpërbërjen e Jugoslavisë

Juristi dhe politikani francez, Robert Badinter, ish-ministër i drejtësisë i cili ishte Kryetar i Komisionit të Arbitrazhit në kuadër të Konferencës së Paqes për Jugoslavi 1991, ka vdekur sot në moshën 95 vjeçare, raportojnë mediat në Francë.

Badinter, jurist, profesor i Drejtësisë në Sorbonne dhe Kryetar i Këshillit Kushtetues, në kohën e shpërbërjes së Jugoslavisë, ishte në krye të komisionit të njohur si, Komisioni i Badinterit, i cili në dhjetor të vitit 1991 ka dhënë mendimin se Republika Socialiste Federative e Jugoslavisë, SFRJ është në proces të dezintegrimit, në bazë të cilit me 15 Janar të vitit 1992 shtetet e Bashkësisë Ekonomike Europiane e pranuan pavarësinë e shtetit të Kroacisë dhe Slovenisë në kufijtë ekzistues.

Ndryshe, në karrierën e tij juridike dhe politike Badinteri u angazhua për heqjen e dënimit me vdekje në Francë, gjë që u realizua në vitin 1981.

Intelektuali hebre dhe ministri francez ishte i biri i Simon Badinter i cili vdiq në kampin e shfarosjes Sobibor.