Shumica e polakëve janë kundër dërgimit të trupave në Ukrainë

Shumica e polakëve kundërshtojnë pjesëmarrjen në një forcë shumëkombëshe paqeruajtëse në Ukrainë. Ky është rezultati i sondazhit të SW Research, i cili u publiku sot.

Sondazhi i porositur nga gazeta Rzeczpospolita tregon se 61.1 për qind e të anketuarve e kundërshtojnë dhe 17.3 për qind e të anketuarve e mbështesin pjesëmarrjen e mundshme të Polonisë në forcën paqeruajtëse, ndërsa 21.6 përqind ishin të pavendosur.

Dhe jo vetëm kaq! Rezultatet tregojnë se më shumë burra janë kundër sesa gratë, dhe banorët e zonave urbane dhe të rinjtë janë gjithashtu më shumë kundër sesa banorët e zonave ruralë dhe të moshuarit. Dërgimi i mundshëm i forcave paqeruajtëse në Ukrainë është debatuar në Evropë për muaj të tërë, pasi filluan të përcaktohen edhe datat e mundshme për arritjen e një marrëveshje për armëpushim.

Kryeministri përjashton përfshirjen e drejtpërdrejtë ushtarake

Kryeministri polak Donald Tusk përjashtoi që në muajin shkrut, përfshirjen e drejtpërdrejtë ushtarake, por ofroi mbështetje logjistike dhe politike.

Polonia ndan një kufi me Ukrainën që është më shumë se 500 kilometra i gjatë.

Sipas Agjencisë së OKB-së për refugjatët, UNHCR, Polonia priti rreth një milion refugjatë ukrainas në muajin korrik, që është vendi i dytë me numrin e refugjatëve të strehuar pas Gjermanisë, e cila ka pritur 1.2 milionë refugjatë ukrainas.